Matius 28:9 - Porjanjian Boharu Torjomahan Baso Dilakng Soari-ari

⁹ Sopongirap Yesus monomu'i boko botina' nantai dalapm pojalatan. Kato Sio, “Salapm!” Sia' mohampiki Sio, mongolu'i kaki Sio huatan monyombah Sio.

Matius 28:9 ပူးပေါင်းရင်းမြစ်များ

Matius 14:33

Somuo urakng inyo ado di porohu nantai monyombah Sio. Kato sia', “Duatn bondar-bondar Ana' Allah!”

Matius 23:7

Di pasar, sia' gala' urakng bukai monyalapi agatn hormat ko sia'. Sia' jam gala' urakng mohormati agatn moningkau sia' ‘Guru’.

Matius 28:10

Yesus bopandir ko sia', “Jangan gola'. Botula' huatan padahan ko boko somadikan-Ku oca' sia' botula' ko Galilea. Sia' paca'an botomu agatn Aku di su'utn.”

Matius 28:17

Timpu sia' moniant Yesus di su'utn, sia' tundu' monyungkapan monyombah Sio. Apo ado di antaro sia' inyo gangga'-gua'an.

Matius 28:8

Kotakan hagar sia' botula' doi' pasaran nantai. Agatn oso gola' apo kotakng rindakng, sia' bonggidi'an pakai' momadahan borito nantai ko boko murid Yesus.

Lukas 1:28

Ongko molekat nantai datakng ko rumah Maria, “Salapm, kolai diborokati Tuhatn. Tuhatn hala bosamo agatn kolai!”

Lukas 24:52

Sia' tundu' monyombah Sio, lopas nantai sia' pulakng ko Yerusalem agatn hati kotakng rindakng bondar.

Lukas 7:38

Kapikng monangis, io bodiritn di bolikat Yesus, ongko tundu' di kaki Yesus. Io mombansahi kaki Yesus agatn ara'i matonyo huatan molapnyo agatn rambutnyo siku'. Lopas nian io monciupm kaki Yesus, monuyung minya' harupm nantai ko kaki Yesus.

Yohanes 12:3

Lalu Maria mombaba' sotongah liter minya' harupm inyo murni. Minya' nantai kotakng mahal apo io monuyungnyo ko kaki Yesus lalu momalit'i inyo agatn rambutnyo. Soluruh rumah nantai monjadi harupm obai minya' harupm nantai.

Yohanes 20:19

Pas ari udah malapam watu ari Minggu nantai, boko murid Yesus bokumpul di sobuah rumah. Sia' monyongkal boko lawakngnyo obai sia' gola' agatn boko pomimpitn urakng Yahudi. Sopongirap, Yesus datakng, bodiritn di tongah-tongah sia'. Kato-Nyo, “Sonang-asau pakai' kaitn!”

Yohanes 20:28

Kato Tomas ko Sio, “Duatn nam Tuhatn huatan Allah-ku!”

2 Korintus 13:11

Ahirnyo boko somadikanku bosonang nyaman cam! Bousaha cam hidup bobondar sobagai urakng inyo pocayo. Taat'icam boko nosihatku. Hidupcam sohati sopikiran, ongko hidup cam sonang-asau agatn siku'-monyiku'. Aman kaitn molabuhan nantai, jadi Allah paca'an momborokati kaitn. Sionam inyo sumber kasih ongko sonang-asau.

Wahyu 3:9

Porhatiancam! Boko urakng nantai doi' umant Rajo Sitatn, sia' monyobut dirinyo urakng Yahudi. Apo sobondarnyo sia' bukainyo anggota umant Allah. Sia' tumbukan! Aku paca'an bulah sia' datakng tundu' monyungkapan di pohadapan kaki kaitn. Lalu, sia' paca'an tohu obai Aku mongasihi kaitn.