Matius 28:6 - Porjanjian Boharu Torjomahan Baso Dilakng Soari-ari

⁶ Sio kinyo di si'itn agi'. Sio udah bobali' hidup samo sama'an inyo udah Sio pandiran komainyo. Huncapm, moniant tompat bangkai Sio diulit'an.

Matius 28:6 ပူးပေါင်းရင်းမြစ်များ

Matius 12:40

Yunus ado di dalapm porut ikatn bosar somanah tigo ari tigo malapm. Ubo nian jam Ana' Monsio paca'an di dalapm pasaran somanah tigo ari tigo malapm.

Matius 16:21

Mula'i doi' watu nantai, Yesus monjolasan ko boko murid-Nyo obai Sio gola' botula' ko Yerusalem. Boko pomimpitn banso Yahudi, boko imam kopala', huatan boko guru agama Yahudi paca'an bulah Sio ajab sonsaro. Sio paca'an dibunuh apo Allah paca'an bulah Sio bobali' hidup timpu ari kotigo.

Matius 17:23

Sia' paca'an mombunuh Sio, apo Allah paca'an bulah Sio bobali' hidup timpu ari kotigo.” Ongko, hati boko murid-Nyo kotakng salu' bondar.

Matius 17:9

Watu sia' turutn doi' pucu' bukit nantai, Yesus bopandir ko sia'. Kato Sio, “Sobolupm Ana' Monsio bobali' hidup doi' komatian, jangan momadahan ko sopo pan mongona'i la'apo inyo hoyu' kaitn tiat.”

Matius 20:19

Lalu sia' paca'an monyorahan Sio ko boko urakng inyo bukainyo urakng Yahudi oca' Sio dipoulu'an, disipat, dipantu' lalu dibunuh di kayu salib. Apo watu ari kotigo, Allah paca'an bulah Sio bobali' hidup agi'.”

Matius 27:63

Kato sia', “Habakng, koi ingant watu Yesus ponipu nantai ija' hidup, Sio kalo bopandir, ‘Lopas tigo ari, Aku paca'an hidup agi'.’

Markus 16:6

Apo urakng bujakng nantai, bopandir agatn sia', “Jangan gola'! Aku tohu kaitn monggoyapi Yesus, urakng doi' laman Nazaret, inyo udah mati di kayu salib. Sio conyiant di si'itn. Sio udah bobali' hidup! Huncapm, porotian cam tompat bangkai-Nyo inyo diulit'an tontainyo.

Markus 8:31

Lopasnyo, Yesus moajaran ko sia' obai Ana' Monsio gola' kotakng banya' moalapi ajab sonsaro. Io gola' ditula' boko pomimpitn banso, boko imam kopala', boko guru agama Yahudi. Io paca'an dibunuh. Apo watu ari kotigo, Io bobali' hidup agi'.

Lukas 24:12

Apo, Petrus bodiritn ongko bonggidi'an ko pasaran Yesus. Io monukau oca' moniant ko dalapm pasaran nantai, apo conyiant bangkai Yesus. Ongkah ado koitn mo, koitn inyo digunoan pakai' momutut bangkai-Nyo. Io hiratn bondar lalu botula' kapikng momikiran la'apo inyo udah tojadi.

Lukas 24:23

apo bangkai-Nyo conyiant di dalapmnyo. Lalu sia' mongisahan mongonaꞌi boko molekat inyo moniant'an diri ko sia'. Boko molekat nantai bopandir Yesus udah bobali' hidup!

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Yohanes 10:17

Ninam sobabnyo Bopai mongasihi Aku: Obai Aku monyorahan hidup-Ku pakai' monorima'nyo agi'.

Yohanes 2:19

Timbas Yesus, “Robahanbo Rumah Allah ni'in. Lalu, dalapm tigo ari, Aku paca'an mombangunnyo agi'!”

Kisah Boko Rasul 2:24

Jadi, co mungkitn Yesus ija' totap mati. Obai nantaiam, Allah udah bulah Sio bobali' hidup huatan mombebasan Sio doi' ajab sonsaro komatian.