Matius 27:65 - Porjanjian Boharu Torjomahan Baso Dilakng Soari-ari

⁶⁵ Kato Pilatus ko sia', “Boi'am. Baba'cam boko ponjago ni'in. Jago'icam pasaran nantai boboi'.”

Matius 27:65 ပူးပေါင်းရင်းမြစ်များ

Matius 27:64

Obai nantaiam, siuhcam oca' pasaran-Nyo dijago sampai ari inyo kotigo. Aman cado, mungkitn boko murid-Nyo paca'an datakng pakai' mongolit bangkai-Nyo. Lalu, sia' paca'an monipu boko urakng agatn momandiran, ‘Sio udah hidup agi' doi' komatian.’ Agatn caro nantaisia' monipu urakng paca'an lobih buru' daripado watu potamo Sio monipu urakng.”

Matius 27:66

Jadi sia' botula' bosamo agatn boko ponjago nantai pakai' monjago pasaran Yesus. Sia' pan monyegel batu ponutupnyo oca' conyiant urakng inyo ulih mongombaci' pasaran nantai.