Matius 27:60 - Porjanjian Boharu Torjomahan Baso Dilakng Soari-ari

⁶⁰ Io molota'an bangkai Yesus di dalapm pasaran boharu. Pasaran nantai umputn Yusuf siku' inyo io pulah di dalapm bukit batu. Io monggulikan sobuah batu bosar pakai' monutup lubakng pasaran nantai. Lalu, io pulakam.

Matius 27:60 ပူးပေါင်းရင်းမြစ်များ

Matius 27:59

Jadi, Yusuf mombaba' bangkai nantai, lalu momutut-Nyo agatn koitn inyo bowarna putih borosih.

Matius 27:66

Jadi sia' botula' bosamo agatn boko ponjago nantai pakai' monjago pasaran Yesus. Sia' pan monyegel batu ponutupnyo oca' conyiant urakng inyo ulih mongombaci' pasaran nantai.

Matius 28:2

Ntobukan ado gompa bumi kotakng hebat obai ado siku' urakng molekat Tuhatn turutn doi' langit lalu monggulikan batu ponutup pasaran nantai. Molekat nantai dudu' di pucu' batu ponutupnyo.

Lukas 24:2

Kali datakng ko pasaran, sia' moniant batu ponutupnyo udah togulikng.

Yohanes 11:38

Yesus kotakan salu' agi', lalu Sio botula' ko pasaran. (Pasaran nantai gua inyo ditutup agatn batu bosar.)

Yohanes 11:41

Jadi, boko urakng momindahan batu nantai. Lopas jadi nantai Yesus monongadah ko langit. Kato-Nyo, “Torima' kasih, Bopai, obai Duatn udah mondinga'an Aku.

Yohanes 19:41

Dampikng tompat Yesus disaliban ado kobutn. Di dalapm kobutn nantai ado gua tompat pasaran inyo bolupm kalo dipakai.

Yohanes 20:1

Watu ari Minggu, sunsukng pukau, ari pan ija' potakng, Maria Magdalena botula' ko pasaran Yesus. Io moniant batu ponutup udah togeser doi' tompat mansu' gua pasaran nantai.