Matius 27:52 - Porjanjian Boharu Torjomahan Baso Dilakng Soari-ari

⁵² Boko lubakng pasaran tobuka' lalu banya' urakng doi' umant Allah hidup agi' doi' komatian.

Matius 27:52 ပူးပေါင်းရင်းမြစ်များ

Yohanes 11:11

Ubo nianam kato Yesus. Lopas nian, Sio bopandir ko sia', “Lazarus, kawal kito, udah tidu'am. Apo, Aku paca'an botula' ko su'utn pakai' mohuasan io.”

Kisah Boko Rasul 7:60

Ongko kapikng molota'an kopututnyo ko tanah, io mondorah agatn saro kotakan borakng. Katonyo, “Tuhatn, amputicam dosa inyo sia' pulah ni'in!” Lopas bopandir sama'an nantai, Stefanus matiam.

1 Korintus 11:30

Nantaiam alasannyo banya' doi' kaitn monjadi lomah huatan sakit. Cukup banya' jam inyo udah bomatian.

1 Korintus 15:20

Apo sobondarnyo Allah udah bulah Kristus monjadi urakng potamo inyo dihidupan agi' doi' komatian.

1 Korintus 15:51

Dinga'anbo! Aku honda' momadahan sosuatu ko kaitn inyo komai kinyo dikotohu'i urakng: Kinyo somuo kito paca'an mati. Apo Allah paca'an morubah bukakng-tubuh kito somuo watu trompet toahir bobunyi. Nantai tojadi dalapm watu sopongirap mo. Allah paca'an bulah boko urakng mati monjadi hidup agi'. Sia' paca'an diubah oca' ulih hidup somanah-manahnyo. Somuo kito inyo ija' hidup watu nantai paca'an diubah sama'an nantai jam.

1 Tesalonika 4:14

Apo kito pocayo obai Yesus mati huatan udah bobali' hidup. Obai nantai, kito yakitn obai boko urakng pocayo ko Yesus inyo udah mati paca'an hidup agi' jam. Obai nantai, kito yakitn obai molalu'i Yesus, Allah paca'an mongumpulan boko urakng pocayo inyo udah mati bosamo-samo agatn Yesus.

1 Tesalonika 5:10

Sio udah mati pakai' monanggukng hukupan dosa kito. Pado watu Sio datakng agi', boi' kito ija' hidup damo pan udah mati, somuo kito inyo pocayo ko Sio paca'an hidup bosamo-samo agatn Sio.