Matius 27:41 - Porjanjian Boharu Torjomahan Baso Dilakng Soari-ari

⁴¹ Ubo nian jam boko imam kopala', boko guru agama Yahudi, huatan boko totuho banso Yahudi. Sia' moulu'-ulu' Yesus.

Matius 27:41 ပူးပေါင်းရင်းမြစ်များ

Matius 27:40

Kato sia', “Uai Duatn inyo honda' morobahan Rumah Allah lalu mombangunnyo agi' dalapm tigo ari! Aman Duatn bondar-bondar Ana' Allah, solamant'anbo diri Duatn. Turutnbo doi' kayu salib nian!”

Matius 27:42

Kato sia', “Sio monyolamant'an urakng bukai, apo diri siku' co disolamant'an-Nyo! Aman Sio bondar-bondar Rajo Urakng Israel, kohonda'nyo Sio ulih turutn doi' salib nian! Aman Sio mampu molabuhan nantai, koi paca'an pocayo agatn-Nyo.

Lukas 18:32

Io paca'an disorahan ko boko urakng inyo bukainyo urakng Yahudi. Boko urakng nantai paca'an boulu'an, mohayam, moigahi-Nyo.

Lukas 22:52

Lopas nian Yesus bopandir ko boko imam kopala' huatan boko powira pongawal Rumah Allah, ongko boko pomimpitn Yahudi inyo datakng ko santai pakai' monangkap Sio. Kato Sio, “Aku ni'in bukainyo ponjahat, jadi kaitn padohan mombaba' podakng ongko boko pompangkukng pakai' monangkap Aku.

Lukas 23:35

Urakng banyaꞌ bodiritn di santai moniant la'apo inyo tojadi. Boko pomimpitn urakng Yahudi boulu'an Yesus. Kato sia', “Aman Urakng ni'in bondar-bondar Rajo Inyo Dijanjian Allah, Urakng Inyo Dipilih Allah sampai Sio ulih monyolamant'an urakng bukai, biaram Sio ni'in monyolamant'an diri-Nyo siku' jam.”