Matius 27:40 - Porjanjian Boharu Torjomahan Baso Dilakng Soari-ari

⁴⁰ Kato sia', “Uai Duatn inyo honda' morobahan Rumah Allah lalu mombangunnyo agi' dalapm tigo ari! Aman Duatn bondar-bondar Ana' Allah, solamant'anbo diri Duatn. Turutnbo doi' kayu salib nian!”

Matius 27:40 ပူးပေါင်းရင်းမြစ်များ

Matius 16:4

“Boko urakng di joman ni'in kotakan jahat ongko kinyo sotia ko Allah. Sia' monuntut suatu tando. Apo bayo sobuti' inyo paca'an dionju' ko sia', bayo mujisat sama'an inyo tojadi ko Nabi Yunus timpu joman komai.” Lopas nantai, Yesus botula'am moninggalan sia'.

Matius 26:61

Kato sia' duo, “Urakng ni'in kalo bopandir obai Io ulih morobahan Rumah Allah lalu mombangunnyo agi' dalapm tigo ari.”

Matius 27:41

Ubo nian jam boko imam kopala', boko guru agama Yahudi, huatan boko totuho banso Yahudi. Sia' moulu'-ulu' Yesus.

Matius 27:42

Kato sia', “Sio monyolamant'an urakng bukai, apo diri siku' co disolamant'an-Nyo! Aman Sio bondar-bondar Rajo Urakng Israel, kohonda'nyo Sio ulih turutn doi' salib nian! Aman Sio mampu molabuhan nantai, koi paca'an pocayo agatn-Nyo.

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 4:3

Ongko Rajo Sitatn, tukakng tumbukan nantai, datakng ko Yesus. Rajo Sitatn bopandir ko Sio, “Aman Duatn bondar-bondar Ana' Allah, pulahbo batu ni'in monjadi roti.”

Matius 4:6

Io bopandir ko Yesus, “Aman Duatn bondar-bondar Ana' Allah, molansakngcam doi' si'itn ko babah! Obai ado pomandiran Allah inyo ditulis dalapm Buku Suci, ‘Allah paca'an monyiuh boko molekat-Nyo molinduki Duatn. Sia' paca'an monantaian jari sia' oca' kaki Duatn co moninggakng batu!’ ”

Lukas 16:31

Apo Abrahapm bopandir, ‘Aman boko buku Musa huatan boko nabi kinyo cukup pakai' bulah sia' tongga' bulah dosa huatan hidup monyonangan hati Allah, pasti sia' pan paca'an kinyo pocayo biar pan siku' urakng hidup agi' doi' komatian.’ ”

Wahyu 11:10

Somanah koduo nabi nantai ija' hidup, sia' duo bulah boko urakng di bumi kotakng ajab sonsaro. Obai nantai, boko urakng di bumi kotakng rindakng obai komatian sia'. Boko urakng bopogai, huatan sosamo bokiripm hadiah pakai' morayaan poristiwa nantai.