Matius 27:31 - Porjanjian Boharu Torjomahan Baso Dilakng Soari-ari

³¹ Lopas sia' jadi moulu'-ulu' Sio, sia' momucul jubah nantai lalu mongona'an agi' pakai'an-Nyo siku'. Lopas nian sia' mombaba' Sio ko luar pakai' dihukupm mati di kayu salib.

Matius 27:31 ပူးပေါင်းရင်းမြစ်များ

Matius 20:19

Lalu sia' paca'an monyorahan Sio ko boko urakng inyo bukainyo urakng Yahudi oca' Sio dipoulu'an, disipat, dipantu' lalu dibunuh di kayu salib. Apo watu ari kotigo, Allah paca'an bulah Sio bobali' hidup agi'.”

Matius 21:39

Jadi, sia' monangkapnyo, lalu mondudus koluar doi' kobutn anggur nantai ongko mombunuhnyo.”

Matius 26:2

Kato-Nyo, “Kaitn tohu cadoai obai duo ari agi' paca'an ado Ari Rayo Paskah. Watu nian, boko urakng paca'an monangkap Ana' Monsio, sia' paca'an monyorahan-Nyo ko boko urakng oca' Sio dihukupm mati di kayu salib.”

Markus 15:20

Lopas sia' boulu'-ulu'an Sio, sia' molopasan jubah ungu nantai lalu bali' mongona'an pakai'an-Nyo siku'. Lopasnyo sia' mombaba' Sio ko luar pakai' dihukupm mati di kayu salib.

Yohanes 19:27

Sio jam bopandir ko murid-Nyo nantai, “Watu ni'in Sio monjadi ubo indai kolai!” Soja' doi' nantai, murid-Nyo nantai monorima' indai Yesus diapm di rumahnyo.

Kisah Boko Rasul 7:58

Sia' mondudus io koluar kota, ongko mula'i monikapi io agatn batu pakai' mombunuh io. Boko urakng inyo bosasi molawatn Stefanus nantai molopasan jubah sia'. Sia' moninggalan boko jubah nantai di kaki siku' urakng pomuda' oca' io monjago'inyo. Pomuda' nantai bodamo Saulus.

Ibrani 13:12

Nantaiam sobabnyo Yesus mati di luar pintu gerbakng kota jam, oca' umat-Nyo ulih diborosihi doi' dosa sia' agatn momakai darah-Nyo siku'.