Matius 27:3 - Porjanjian Boharu Torjomahan Baso Dilakng Soari-ari

³ Yudas, nam urakng inyo monjual Yesus, io moniant obai udah ado koputusan pakai' mohukupm mati Yesus. Timpu nantai, Yudas monyosal. Io momulakan tigo puluh pingkai' duit pira' nantai ko boko imam kopala' ongko boko pomimpitn banso Yahudi nantai.

Matius 27:3 ပူးပေါင်းရင်းမြစ်များ

2 Korintus 7:10

Obai, aman urakng mooso salu' agatn caro inyo Allah kohonda'i, akibatnyo urakng nian moninggalan dosanyo. Jadi, urakng nian disolamant'an. Jadi, io co monyosal obai porasa'an salu' nantai. Apo, aman salu' nantai boasal doi' dunia, moakibat'an komatian.

Yohanes 18:3

Yudas datakng ko santai mombaba' kolompok urakng pakai' monangkap Yesus. Ado boboropo ponjago Rumah Allah inyo disiuh boko imam kopala' huatan boko pomimpitn agama Yahudi doi' kolompok Farisi. Ado jam pasukan tontara Romawi. Kolompok urakng nantai datakng agatn mombaba' obor huatan sonjato.

Yohanes 13:27

Lopas Yudas monorima' roti nantai, Rajo Sitatn mansu' ko dalapm hatinyo. Lalu Yesus bopandir ko Yudas, “Labuhan copat cam hal apo inyo honda' kolai labuhan!”

Yohanes 13:2

Jadi, watu nantai Yesus agatn boko murid-Nyo tongahan makatn malapm. (Sobolupm nantai, Rajo Sitatn udah bokorojo di dalapm hati Yudas Iskariot, ana' Simon. Rajo Sitatn mombulah oca' Yudas honda' monyorahan Yesus ko boko musuh-Nyo.)