Matius 27:24 - Porjanjian Boharu Torjomahan Baso Dilakng Soari-ari

²⁴ Ahirnyo Pilatus mooso obai usahanyo pakai' mombebasan Yesus co bohasil. Malahan, urakng banya' nantai udah honda' bulah korusuhan. Jadi, io monguti' ara'i lalu mombasu'i jarinyo di pohadapan urakng banya' nantai. Katonyo, “Aku cuku botanggukng jawab mongona'i komatian Urakng ni'in! Nian urusan kaitn ba!”

Matius 27:24 ပူးပေါင်းရင်းမြစ်များ

Matius 26:5

Apo sia' bopandir, “Jangan kito cubo monangkap Yesus watu boko urakng morayaan Ari Rayo Paskah, obai nononyo paca'an bulah korusuhan di antaro rayat.”

Matius 27:19

Pilatus tongahan dudu' di krosi tompat io moadili pokaro. Watu nantai, bininyo mongiripm posatn ko io, “Sari ni'in, obai pokaro Urakng nantai mombulah aku bomimpi inyo bogola'i. Mimpi nantai bulahku mondorita'. Obai nianam, jangan kolai sonjumpat'an pokaro Urakng inyo kinyo bosalah nantai.”

Matius 27:23

Kato Pilatus, “Apo la'apo kojahatan-Nyo?” Apo sia' mongkitn borakng mondorah, “Bunuh Sio di kayu salib!”

Matius 27:4

Katonyo, “Aku udah bodosa monjual urakng inyo kinyo bosalah sampai Sio dihukupm mati.” Apo sia' monimbas, “Koi co poduli. Kolai botanggukng jawab doi' porbuatan kolai siku'.”

Matius 27:54

Kopala' pasukan ongko boko projurit inyo monjago Yesus moniant gompa bumi ongko somuo inyo tojadi nantai. Obai nianam, sia' monjadi gola' bondar. Kato sia', “Bondaram, Urakng ni'in bondar-bondar Ana' Allah!”

Matius 27:9

Agatn ubo nantai, pomandiran Nabi Yeremia watu joman komai monjadi nyata. Katonyo, “Sia' monorima' tigo puluh pingkai' duit pira', ia'an rogo inyo ditotapan urakng Israel sobagai bayaran pakai' Sio.

Yohanes 13:9

Jadi, Simon Petrus bopandir, “Aman sama'an nian, Tuhatn, jangan bayo mombasu'i kakiku, apo longan huatan kopala'ku jam!”

Yohanes 19:4

Pilatus koluar agi' doi' istananyo lalu bopandir ko urakng banya' di santai. Katonyo, “Dinga'ancam! Aku mombaba' Urakng ni'in ko luar, ko kaitn. Oca' kaitn tohu obai aku co mondapat'an sobuti' kosalahan pan doi'-Nyo.”

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.