Matius 26:75 - Porjanjian Boharu Torjomahan Baso Dilakng Soari-ari

⁷⁵ Petrus toingant agatn pomandiran Yesus ko io, “Sobolupm manu' bokuku', kolai paca'an monyangkal Aku tigo kali.” Lopas nantai, Petrus koluar doi' tongahlamanan rumah nantai, lalu monangis obai kotakan salu'.

Matius 26:75 ပူးပေါင်းရင်းမြစ်များ

Matius 10:33

Apo sotiap urakng inyo kinyo moaku'i Aku di hadapan boko urakng bukai, Aku pan cuku moaku'inyo di hadapan Bopai-Ku inyo di sorugo.”

Matius 26:34

Lalu Yesus bopandir ko io, “Porotian ja'am! Watu malapm ni'in jam kolai paca'an momandiran obai kolai co konal agatn Aku sampai tigo kali sobolupm manu' bokuku'.”

Matius 26:74

Lalu Petrus mula'i bosumpah ongko bopandir, “Aku bondar-bondar co konal agatn urakng nantai!” Watu nantai jam, manu' bokuku'.

Yohanes 13:38

Timbas Yesus, “Bobondar? Kolai siap mati pakai' Aku? Pondinga'an bobondar cam la'apo inyo Ku pandiran ni'in: Kolai paca'an monyangkal Aku sampai tigo kali sobolupm manu' bokuku'.”

1 Korintus 4:7

Co nyiant urakng di antaro kaitn inyo lobih pontikng daripado urakng bukai. Somuo inyo umputn kaitn dionju' Allah. Jadi jangan kaitn buhau ubonyo pongulihan kaitn siku' mo bukainyo doi' Tuhatn.

Galatia 6:1

Boko somadikan, aman siku' urakng di antaro kaitn ditomuan bulah dosa. Jadi, kaitn inyo hidupnyo dipimpitn Roh Allah gola' monulukng urakng nantai. Kaitn gola' monulukng io oca' io tongga' bulah dosa nantai. Apo, kaitn gola' molabuhan nantai agatn hati inyo tulus. Boboi'cam! Ingant, jangan sampai kaitn pan bulah dosa jam.

1 Petrus 1:5

Obai kaitn pocayo ko Yesus, jadi Allah molinduki kaitn agatn kuaso-Nyo oca' kaitn ulih disolamant'an. Kosolamant'an kaitn nantai udah siap ditunju'an Allah watu ahir joman nononyo.