Matius 26:70 - Porjanjian Boharu Torjomahan Baso Dilakng Soari-ari

⁷⁰ Apo Petrus monyangkal di pohadapan boko urakng nantai. Katonyo, “Tou'an aku cuku tohu la'apo inyo kolai pandiran.”

Matius 26:70 ပူးပေါင်းရင်းမြစ်များ

Matius 26:51

Salah siku' inyo bosamo Yesus moncabut podakng, lansukng monyorakng siku' hulutn doi' Imam Agukng. Io monota' kolindakan hulutn nantai sampai pogat.

Matius 26:56

Apo, somuonyo ni'in tojadi oca' pomandiran mongona'i Aku inyo ditulis boko nabi digonapi.” Lalu somuo murid Yesus morarian diri moninggalan Sio.

Matius 26:58

Petrus mombodapan Sio doi' jouh. Sampai ko rumah nantai, Petrus mansu' ko tongah lamanan lalu dudu' bosamo agatn boko ponjago, oca' ulih mongotohu'i la'apo inyo paca'an tojadi agatn Yesus.

Matius 26:69

Timpu nantai, Petrus dudu' di tongah lamanan rumah nantai. Siku' urakng hulutn botina' mondampiki io. Kato hulutn nantai, “Kolai ninam hala bosamo-samo agatn Yesus, urakng doi' doerah Galilea nantai!”

Matius 26:71

Lalu, io bojalatn ko pintu gerbakng tongah lamanan nantai. Siku' hulutn botina' inyo bukai moniantnyo. Kato hulutn nantai ko boko urakng inyo ado di santai, “Urakng ninam bosamo-samo agatn Yesus, urakng doi' Nazaret nantai.”

Lukas 22:57

Apo Petrus monyangkal. Kato io, “Bukai! Aku co konal agatn Sio!”

Roma 11:20

Memang nantai bondar. Apo ingant obai sia' dipatahan obai sia' kinyo pocayo ko Yesus. Allah monorima' kaitn obai kaitn pocayo. Jadi, jangannam buhau obai kaitn monggonti'i sia'. Apo gola'cam agatn Allah!

1 Korintus 10:12

Obai nantai, urakng inyo moanggap dirinyo kuat pocayo gola' boboi'. Jangan sampai io jatu' dalapm dosa.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”