Matius 26:69 - Porjanjian Boharu Torjomahan Baso Dilakng Soari-ari

⁶⁹ Timpu nantai, Petrus dudu' di tongah lamanan rumah nantai. Siku' urakng hulutn botina' mondampiki io. Kato hulutn nantai, “Kolai ninam hala bosamo-samo agatn Yesus, urakng doi' doerah Galilea nantai!”

Matius 26:69 ပူးပေါင်းရင်းမြစ်များ

Matius 26:71

Lalu, io bojalatn ko pintu gerbakng tongah lamanan nantai. Siku' hulutn botina' inyo bukai moniantnyo. Kato hulutn nantai ko boko urakng inyo ado di santai, “Urakng ninam bosamo-samo agatn Yesus, urakng doi' Nazaret nantai.”

Kisah Boko Rasul 5:37

Solaitn nantai, ado siku' urakng agi' pado watu pomorintah Romawi bulah sensus. Io doi' doerah Galilea. Damonyo Yudas. Io momimpitn boko urakng Yahudi pakai' molawatn pomorintah Romawi. Apo io jam dibunuh, ongko somuo pongikutnyo topisah.

Yohanes 7:52

Timbas sia', “Kata'an kolai ni'in doi' Galilea jam? Poriso'icam Buku Suci. Kolai paca'an tohu obai conyiant nabi inyo datakng doi' doerah Galilea!”

Yohanes 7:41

Inyo bukai bopandir, “Pasti Sio ni'inan Kristus, Rajo Inyo Dijanjian Allah!” Apo inyo bukai agi' bopandir, “Bukai! Kristus nantai kinyo datakng doi' Galilea.

Yohanes 1:46

Kato Natanael ko io, “Ah! co mungkitn lou' inyo boi' boasal doi' laman Nazaret.”

Matius 26:58

Petrus mombodapan Sio doi' jouh. Sampai ko rumah nantai, Petrus mansu' ko tongah lamanan lalu dudu' bosamo agatn boko ponjago, oca' ulih mongotohu'i la'apo inyo paca'an tojadi agatn Yesus.

Matius 26:3

Watu nian jam, boko imam kopala' huatan boko pomimpitn urakng Yahudi bokumpul di istana Imam Agukng, damonyo Kayafas.

Matius 21:11

Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Matius 26:70

Apo Petrus monyangkal di pohadapan boko urakng nantai. Katonyo, “Tou'an aku cuku tohu la'apo inyo kolai pandiran.”