Matius 26:56 - Porjanjian Boharu Torjomahan Baso Dilakng Soari-ari

⁵⁶ Apo, somuonyo ni'in tojadi oca' pomandiran mongona'i Aku inyo ditulis boko nabi digonapi.” Lalu somuo murid Yesus morarian diri moninggalan Sio.

Matius 26:56 ပူးပေါင်းရင်းမြစ်များ

Matius 21:42

Kato Yesus ko sia', “Pasti kaitn kalo mombaco di Buku Suci mongona'i ni'in: ‘Batu inyo dibuakan boko tukakng bangunan udah monjadi batu kotakng pontikng pakai' bangunannyo. Tuhatn inyo molabuhan nantai! Hebat bondar pogota'an-Nyo nantai.’ ”

Matius 26:24

Udah totulis dalapm Buku Suci mongona'i Ana' Monsio inyo paca'an dijual ko boko urakng inyo molawatn Sio. Sosuai agatn tulisan nantai, hal nantai paca'an tojadi ko Sio. Apo Allah paca'an mohukupm urakng inyo molabuhan nantai. Lobih boi' pakai' urakng nantai aman io kinyo kalo dilahiran samo sokali!”

Matius 26:31

Di santai, Yesus bopandir ko sia', “Watu malapm ni'in jam, kaitn somuo paca'an moninggalan Aku. Obai gola' tojadi sosuai agatn pomandiran Allah ni'in inyo totulis dalapm Buku Suci: ‘Aku paca'an mombunuh Gombala nantai, lalu boko domba-Nyo paca'an botomboburan.’

Matius 26:54

Apo aman Aku molabuhan nantai, lalu tulisan di dalapm Buku Suci mongona'i Aku kinyo paca'an digonapi. Tulisan nantai momandiran obai somuonyo gola' tojadi sama'an inyo tojadi watu ni'in.”

Yohanes 16:32

Pondinga'ancam! Nononyo paca'an sampai watunyo, malahan udah datakam watunyo nantai, kaitn paca'an bosongkayo. Kaitn paca'an pulakng ko rumah siku'-monyiku', moninggalan Aku sonsiku'an. Apo, sobondarnyo Aku co sonsiku'an obai Bopai ado bosamo agatn-Ku.

Kisah Boko Rasul 1:16

“Boko somadikanku, sobolupmnyo Yudas tomansu' dalapm kolompok koi boko rasul. Io molayati bonsamoan agatn koi. Apo io jam mombori'tohu caro oca' Yesus ulih ditangkap.” (Yudas mondapat'an duit pakai' molabuhan kojahatan nantai. Agatn duit nantai io momboli sobidakng tanah. Di pucu' tanah nantai io jatu' tokosungkapm, porutnyo tobolah sampai somuo isinyo koluar, ongko io mati. Somuo urakng di kota Yerusalem udah mondinga' mongona'i nantai. Jadi dalapm baso sia' tanah nantai disobut ‘Hakal-Dama’, rotinyo “Tanah Darah”.) Kato Petrus, “Apo, joman komai kojadian nantai udah totulis dalapm Buku Suci. Kojadian nantai tojadi sosuai agatn tulisan nantai. Joman komai Roh Allah momimpitn Rajo Daud monulis mongona'i hukupan inyo cucu' pakai' Yudas di Buku Mazmur. Bunyi ni'in tulisannyo: ‘Biaram rumah io monjadi puakng; Biaram co nyiant urakng inyo bodiapm di su'utn.’ Kato ni'in pan ditulis: ‘Biaram kodudu'an urakng nantai dikuti' ulih urakng bukai.’

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

2 Timotius 4:16

Potamo kali aku mombela diri di pongadilan, co nyiant siku' urakng pan inyo monulukng aku. Somuonyo udah moninggalanku. Aku bodoa oca' Tuhatn moamputi sia' nantai.