Matius 26:55 - Porjanjian Boharu Torjomahan Baso Dilakng Soari-ari

⁵⁵ Watu nantai, Yesus bopandir ko urakng banya' nantai, “Kata'an Aku ni'in ponjahat bai, kaitn sampai datakng agatn mombaba' podakng ongko pompangkukng pakai' monangkap Aku? Padohal, sotiap ari Aku dudu' mongajar di tongah lamanan Rumah Allah. Apo watu nantai kaitn co monangkap Aku.

Matius 26:55 ပူးပေါင်းရင်းမြစ်များ

Matius 21:23

Lopas nantai, Yesus mansu' ko tongahlamanan Rumah Allah lalu mongajar di santai. Watu nantai, boko imam kopala' ongko boko pomimpitn banso Yahudi datakng ko Sio. Kato sia', “La'apo hak Duatn molabuhan nantai somuo? Sopo inyo moonji'i kuaso nantai ko Duatn?”

Matius 26:47

Watu Yesus ija' bopandir, Yudas datakng. Io ia'an salah siku' doi' koduo bolas rasul. Bosamo agatn io, sorombokan urakng datakam mombaba' podakng ongko pompangkukng. Sia' disiuh boko imam kopala' ongko boko pomimpitn banso Yahudi.

Markus 10:1

Yesus moninggalan tompat nantai, lalu botula' ko doerah Yudea ongko ko doerah di soborakng sungai Yordan. Banya' urakng datakng agi'. Sia' bokumpul di sokolilikng Sio, lalu sama'an biaso Sio mongajar sia' agi'.

Markus 12:35

Timpu Yesus mongajar di tongahlamanan Rumah Allah, Sio bopandir, “Pikirancam mongona'i Rajo inyo Dijanjian Allah inyo disobut ‘Kristus’. Boko guru agama Yahudi mongatoan obai Kristus ia'an koturutan doi' Rajo Daud.

Lukas 19:47

Lopas nantai, Yesus mongajar di tongahlamanan Rumah Allah sotiap ari. Tongahan nantai, boko imam kopala', boko guru Poraturan Agama Yahudi, ongko boko pomimpitn urakng Yahudi bogoyap caro pakai' mombunuh Yesus.

Lukas 20:1

Timpu ari bukainyo, di tongahlamanan Rumah Allah, Yesus mongajar huatan momboritoan Kabar Boi' mongonaꞌi Koraja'an Allah. Watu Sio mongajar, datakam boko imam kopala', boko guru Agama Yahudi huatan boko pomimpitn bukai doi' banso Yahudi.

Lukas 4:20

Yesus monutup huatan moonju' buku nantai ko potugas rumah sombayakng. Huatan Sio dudu' mongajar. Somuo urakng di dalapm rumah sombayakng nantai borotian Sio.

Yohanes 7:14

Watu tongahan poraya'an nantai, Yesus botula' mongajar di tongahlamanan Rumah Allah.

Yohanes 7:28

Jadi, watu Yesus mongajar di tongahlamanan Rumah Allah, Sio bopandir agatn saro borakng, “Kaitn konal Aku huatan doi' mono asal-Ku! Apo Aku datakng kinyo kohonda'-Ku siku'. Aku diutus Sio inyo bondar. Kaitn co tohuan Sio.

Yohanes 8:2

Kosunsuknghobu'annyo, Sio botula' agi' ko tongahlamanan Rumah Allah. Boko urakng datakng ko Sio. Lalu, Yesus dudu' huatan mongajar sia'.

Yohanes 8:20

Yesus momadahan somuo ni'in watu Io mongajar di tongahlamanan Rumah Allah dampikng tompat posombahan. Apo, conyiant ado siku' urakng pan inyo monangkap Sio obai watunyo bolupm datakng.