Matius 26:52 - Porjanjian Boharu Torjomahan Baso Dilakng Soari-ari

⁵² Apo Yesus bopandir ko io, “Sarukan agi' podakng nian ko dalapm sarukngnyo. Obai somuo urakng inyo monggunoan podakng paca'an mati tobunuh obai podakng jam.

Matius 26:52 ပူးပေါင်းရင်းမြစ်များ

Matius 5:39

Apo Aku moonju' porintah ni'in ko kaitn: Jangan mombalas urakng inyo molabuhan kojahatan ko kaitn. Umpamonyo, aman urakng monompilikng pipi kanan kaitn sorahan jam pipi kiba' kaitn pakai' ditompilikngnyo.

Roma 12:19

Boko somadikan inyo ku kasihi! Jangan kaitn siku' mombalas dondapm. Apo biar Allah inyo mohukupm boko urakng bukai. Obai ado inyo totulis dalapm Buku Suci: “Tuhatn bopandir, ‘Bayo Aku mo inyo bohak mombalas. Aku tajahan mohukupm sia'!’ ”

1 Tesalonika 5:15

Poniant'an oca' co nyiant di antaro kaitn inyo mombalas kojahatan agatn kojahatan. Sobali'nyo bousaha pakai' hala bulah koboi'an ko boko somadikan kaitn huatan ko somuo urakng.

1 Petrus 3:9

Aman ado urakng inyo bulah kojahatan agatn kaitn, jangan mombalasnyo agatn kojahatan. Aman ado urakng inyo momojah kaitn, jangan mombalas agatn momojahnyo. Apo, kaitn gola' mondoa'an oca' Allah momborokati sia' inyo jahat ubo nantai. Obai, Allah moningkau kaitn oca'nyo mondapat'an borokat.

Wahyu 13:10

Sotiap urakng inyo ditontuan Allah pakai' monjadi tawatan, pasti paca'an monjadi tawatan. Sotiap urakng inyo ditontuan pakai' dibunuh agatn podakng, pasti paca'an dibunuh agatn podakng. Jadi, boko urakng inyo pocayo gola' botahatn mohadapi nantai. Sia' gola' pocayo ko Yesus agatn sotia.

Wahyu 16:6

Obai sia' inyo udah mombunuh boko urakng umant Allah huatan boko nabi. Jadi, ni'in Duatn momoso sia' minum darah. Cucu' sia' dihukupm sama'an nantai.”