Matius 26:46 - Porjanjian Boharu Torjomahan Baso Dilakng Soari-ari

⁴⁶ Huas cam! Hincapm kito botula'am ko sia'. Io inyo monjual Ku udah datakam.”

Matius 26:46 ပူးပေါင်းရင်းမြစ်များ

Matius 26:45

Lalu, Sio bobali' agi' ko boko murid-Nyo. Kato-Nyo, “Kaitn ija' tidu' ongko botongga', bai? Tiatbo, watunyo datakam pakai' Ana' Monsio disorahan ko boko urakng inyo bodosa.

Matius 26:47

Watu Yesus ija' bopandir, Yudas datakng. Io ia'an salah siku' doi' koduo bolas rasul. Bosamo agatn io, sorombokan urakng datakam mombaba' podakng ongko pompangkukng. Sia' disiuh boko imam kopala' ongko boko pomimpitn banso Yahudi.

Markus 14:42

Huascam! Hincapm! Udah datakam io inyo monyorahan Aku ko boko urakng inyo molawatn Ku.”

Lukas 12:50

Aku gola' ija' moalapi ajab sonsaro inyo kotakan borat. Watu ni'in Aku kotakng salu'. Aku paca'an totap salu' sampai ajab sonsaro nantai jadi.

Lukas 22:15

Lalu Sio bopandir ko sia', “Aku honda' bondar makatn morayaan Paskah ni'in sosamo agatn kaitn sobolupm Aku ajab sonsaro.

Lukas 22:21

Apo, tiat! Urakng inyo tajahan monyorahan Aku ko musuh Ku, io tongahan dudu' di meja ni'in sosamo agatn Aku.

Lukas 9:51

Watu pakai' Yesus diangkat bobali' ko sorugo mongkitn dampikam. Jadi, Sio momutusan pakai' botula' ko kota Yerusalem.

Yohanes 14:31

Apo somuonyo nantai gola' tojadi. Oca', boko urakng di dunia paca'an tohu obai Aku mongasihi Bopai. Sia' pan paca'an tohu obai Aku molabuhan somuo la'apo pan inyo Bopai porintahan ko aku. Nah, hincapm! Kito botula' doi' ninam!”

Yohanes 21:20

Pas Petrus mongilikng ko bolikat, io moniant ado murid inyo bukai tuyut sia'. Murid nantaiam murid inyo kotakan kokidah Yesus. (Timpu sia' makatn bosamo komai, murid-Nyo nantaiam murid inyo dudu' dampikng Yesus lalu botakutn, “Tuhatn, sopo kironyo inyo paca'an monyorahan Duatn ko musuh?”).

Kisah Boko Rasul 21:13

Apo Paulus monimbas, “Jangan kaitn monangis, obai nantai bulah hatiku salu'! Aku udah siap ditangkap di Yerusalem. Malahan, aku udah siap mati sobagai murid Tuhatn Yesus.”