Matius 26:38 - Porjanjian Boharu Torjomahan Baso Dilakng Soari-ari

³⁸ Sio bopandir ko sia', “Hati-Ku kotakan salu', osonyo ubo honda' mati. Kaitn tinggal di si'itan ongko bojojago agatn Aku.”

Matius 26:38 ပူးပေါင်းရင်းမြစ်များ

Yohanes 12:27

Watu ni'in, hati-Ku kotakng salu'. Lapo inyo gola' Aku pandiran? ‘Bopai, solamat'an Aku doi' pondorita'an inyo paca'an Kualapi ni'in’? Apo Aku co paca'an momadahan nantai. Obai, ninam ponyobabnyo Aku datakng ko dunia.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

1 Petrus 4:7

Boko somadikan ahir dunia ni'in udah dampikam. Obai nantai, kaitn gola' kondalian diri kaitn, ongko hala siap oca' kaitn ulih bodoa.

2 Korintus 5:21

Kristus kinyo bodosa, apo Allah bulah Sio monanggukng hukupan dosa kito. Allah molabuhan nantai oca' di dalapm Kristus, kito ulih monjadi bondar di hadapan Allah.

Roma 8:32

Allah mombiaran oca' Ana'-Nyo siku' sonsaro. Allah monyorahan Ana'-Nyo oca' Sio mati pakai' monanggukng hukupan dosa kito. Aman Allah udah molabuhan nantai pakai' kito, pasti Sio pan tajahan moonji'i kito somuo hal inyo bukai inyo Sio janjian.

Matius 25:13

Ubo nian jam paca'an tojadi agatn boko urakng inyo kinyo siap watu Aku datakng agi'. Obai nantai, bojago-jagocam, obai kaitn co tohu ari damo japmnyo.”

Markus 14:34

Kato Sio ko sia', “Hati-Ku kotakan salu', osonyo sama'an honda' mati. Kaitn tanti di si'itn huatan bojojago.”