Matius 26:3 - Porjanjian Boharu Torjomahan Baso Dilakng Soari-ari

³ Watu nian jam, boko imam kopala' huatan boko pomimpitn urakng Yahudi bokumpul di istana Imam Agukng, damonyo Kayafas.

Matius 26:3 ပူးပေါင်းရင်းမြစ်များ

Yohanes 18:24

Lopas nian, Hanas monyiuh oca' Yesus dibaba' ko Kayafas, Imam Agukng. Watu nantai, longan Yesus ija' dikobat.

Markus 14:54

Petrus bontuyutan Yesus doi' jouh sampai ko tongahlamanan rumah Imam Agukng nantai. Di santai, Petrus dudu' dampikng api kapikng botindu agatn boko ponjago.

Yohanes 18:28

Sunsukng pukau, boko sia' urakng Yahudi nantai mombaba' Yesus doi' rumah Kayafas ko istana gubernur, pomorintahan Romawi. Sia' co mansu' ko dalapm istana nantai. Sia' co honda' monjadi kotor socaro agama obai sia' honda' jumpat makatn pas Ari Rayo Paskah.

Yohanes 11:57

Watu nantai, boko imam kopala' huatan boko urakng Farisi udah mongoluaran porintah ni'in: Aman ado urakng inyo mongotohu'i di mono Yesus boado, urakng nian gola' molaporannyo agatn sia', oca' sia' ulih monangkap Yesus.

Lukas 3:2

Watu nantai pomimpitn boko imam agama urakng Yahudi inyo bokodudu'an kotakng tinggi bodamo Hanas digonti agatn Kayafas. Timpu nantai Allah bopandir ko Yohanes, ana' Zakharia. Allah bopandir ko io, watu io tongahan di padakng pasir.

Matius 26:69

Timpu nantai, Petrus dudu' di tongah lamanan rumah nantai. Siku' urakng hulutn botina' mondampiki io. Kato hulutn nantai, “Kolai ninam hala bosamo-samo agatn Yesus, urakng doi' doerah Galilea nantai!”

Matius 27:27

Lopas nian boko projurit Pilatus nantai mombaba' Yesus ko istana gubernur. Sia' moningkau soluruh pasukan pakai' bokumpul mongoliliki Yesus.

Markus 14:66

Timpu nantai, Petrus ija' ada'an di tongahlamanan rumah nantai. Siku' botina' mohampiki io. Botina' nantai ia'an urakng inyo monjadi hulutn di rumah Imam Agukng nantai.

Markus 15:16

Lopasnyo boko projurit Pilatus nantai mombaba' Yesus ko istana gubernur. Sia' moningkau soluruh pasukan pakai' bokumpul di santai.

Lukas 22:55

Apo kali udah sampai di rumah nantai, Petrus dudu' di antaro sia' inyo tongahan mongoliliki api inyo udah bonyalo di tongahlamanan rumah nantai.