Matius 26:29 - Porjanjian Boharu Torjomahan Baso Dilakng Soari-ari

²⁹ Apo porotian ni'in: Aku co paca'an minum anggur agi' sampai Aku minum anggur inyo boharu bosamo-samo agatn kaitn dalapm Koraja'an Allah Bopai-Ku.”

Matius 26:29 ပူးပေါင်းရင်းမြစ်များ

Matius 13:43

Lalu boko urakng inyo hidup bujur bondar di hadapan Allah paca'an bosinar sama'an matoari di dalapm Koraja'an Allah Bopai sia'. Aman ado kolindakan, pondinga'ancam pomandiran-Ku agatn boi'.”

Matius 16:28

Dinga'anbo, ado urakng di antaro kaitn somuo di si'itn inyo kinyo paca'an mati sobolupm moniant Ana' Monsio datakng agatn Korajaan-Nyo.”

Matius 18:20

Obai, aman ado duo ongko tigo urakng bokumpul obai pocayo ko Aku, ongko Aku pan ado di tongah-tongah sia'.”

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Matius 26:28

Obai, ninam darah-Ku inyo paca'an ditumpahan pakai' urakng banya' watu Aku mati. Nantai paca'an tojadi oca' boko urakng ulih diamputi doi' boko dosa sia'. Nianam Pojanjian Allah inyo disahan agatn darah-Ku.

Matius 26:30

Lalu, Yesus ongko boko murid-Nyo monyanyian lagu pujian ko Allah. Lopas nantai, sia' botula' ko bukit Jaitun.

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Markus 14:25

Apo porotian cam ni'in: Aku kinyo paca'an minum anggur agi' sampai Aku minum anggur inyo boharu dalapm Koraja'an Allah.”

Lukas 12:32

“Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

Lukas 15:32

Apo kito gola' bulah pogai huatan rindakng-ramai, obai adikng kolai nantai ubonyo udah mati, apo ni'in hidup agi' Io udah hilakng, apo ni'in udah kotomuannam.’ ”

Yohanes 15:11

Aku momandiran somuo nantai oca' sonang-nyaman-Ku ado di dalapm hati kaitn, ongko sonang kaitn monjadi sompurna.

Yohanes 16:22

Ubo nian jam agatn kaitn. Watu ni'in kaitn salu'. Apo Aku paca'an botomu agi' agatn kaitn. Timpu nantai, hati kaitn paca'an sonang. Conyiant ado siku' urakng pan inyo ulih monguti' kosonangan kaitn nantai.

Yohanes 17:13

Apo ni'in, Aku paca'an datakng ko Duatn. Aku momadahan somuo nantai somontaro Aku ija' ado di dunia oca' sia' ulih bondar-bondar mooso'i kosonangan-Ku dalapm hati sia'.

Kisah Boko Rasul 10:41

Allah kinyo mombiaran somuo urakng moniant Yesus, apo bayo boko urakng inyo udah dipilih-Nyo, tomansu' koi boko rasul Yesus. Lopas jadi Yesus hidup agi', koi ulih makatn huatan minum bosamo Sio.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

Wahyu 14:3

Sia' monyanyian suatu nyanyian boharu di pohadapan tahta huatan koompat mahluk ongko boko pomimpitn nantai. Conyiant urakng bukai inyo ulih mompolajari nyanyian nantai kocuali soratus ompat puluh ompat ribu urakng nantai. Ia'an sia' inyo Yesus udah bebasan doi' bumi.

Wahyu 7:17

Nianam koadaan sia' obai Ana' Domba inyo di tongah tahta nantai inyo monjago'i sia' samo sama'an siku' gombala. Sio paca'an moirikan sia' ko sumber ara'i inyo moonji'i kohidupan. Allah paca'an mohapus somuo ara'i mato doi' mato sia'.”