Matius 26:26 - Porjanjian Boharu Torjomahan Baso Dilakng Soari-ari

²⁶ Pas sia' tongahan makatn, Yesus moncanggapm roti lalu moucap'an doa sukur. Sio momingkai'-mingkai' roti lalu moonju'nyo ko boko murid-Nyo. Kato-Nyo, “Kuti'cam, makatncam, ninam bukakng-Ku.”

Matius 26:26 ပူးပေါင်းရင်းမြစ်များ

Matius 14:19

Lalu Sio monyiuh boko urakng nantai dudu' di pucu' rumput. Lopas nian, Yesus monguti' lima' pingkai' roti agatn duo iku' ikatn nantai, monongadah ko langit, moucap torima' kasih ko Allah. Lalu Sio momingkai'-mingkai' roti nantai, dionju'nyo ko boko murid-Nyo oca' di pombagian ko boko urakng banya' nantai.

Matius 26:27

Lopas nantai, Yesus monguti' socangkir anggur. Sio moucap doa sukur agi' lalu moonju' anggur nantai ko sia'. Kato-Nyo, “Somuo kaitn, minumcam.

Markus 6:41

Yesus monguti' lima' pingkai' roti ongko duo iku' ikatn nantai, monongadah ko langit, moucap torima' kasih ko Allah. Lalu Sio momingkai'-mingkai' roti nantai, moonju'nyo ko boko murid-Nyo oca' dipombagian ko urakng banya' nantai. Agatn caro inyo samo, Sio mombagian koduo iku' ikatn nantai ko somuo sia'.

Lukas 22:17

Lopas nantai Yesus monguti' socangkir anggur, lalu bodoa bosukur ko Allah. Lopas nian Sio bopandir, “Kuti'cam ni'in, lalu pombagi-bagiancam.

Lukas 24:30

Watu Sio dudu' makatn sosamo agatn sia', Sio monguti' roti. Lopas jadi moucap'an doa sukur, Sio momingkai'-mingkai' roti nantai agatn jari-Nyo ongko moonju'nyo ko sia'.

Kisah Boko Rasul 2:46

Sotiap ari sia' bokumpul di tongahlamanan Rumah Allah, pusat kogiatan koagamaan urakng Yahudi. Sia' bokumpul agatn sohati sopikiran. Sia' pan opat hala mohundakng pakai' makatn bosamo di boko rumah sia', huatan sia' morayaan Porjamuan Kudus jam. Sia' molabuhan somuo nantai agatn tulus hati huatan kotakan rindakng,

Kisah Boko Rasul 20:7

Pado ari potamo dalapm minggu nantai, koi huatan boko urakng pocayo di Troas bokumpul. Koi somuo honda' morayaan Porjamuan Kudus. Paulus huatan koi kawal sopojalatannyo bohajat pakai' botula' doi' Troas sunsukng hobu'nyo. Ongko, Paulus mongajar sia' manah bondar, sampai tongah malapm.

1 Korintus 10:4

Somuo sia' minum ara'i inyo samo doi' Allah. Ara'i nantai hala mancur doi' batu. Sobondarnyo Kristus ia'an batu nantai obai Sio hala molinduki huatan momborokati sia' urakng Israel nantai.