Matius 26:24 - Porjanjian Boharu Torjomahan Baso Dilakng Soari-ari

²⁴ Udah totulis dalapm Buku Suci mongona'i Ana' Monsio inyo paca'an dijual ko boko urakng inyo molawatn Sio. Sosuai agatn tulisan nantai, hal nantai paca'an tojadi ko Sio. Apo Allah paca'an mohukupm urakng inyo molabuhan nantai. Lobih boi' pakai' urakng nantai aman io kinyo kalo dilahiran samo sokali!”

Matius 26:24 ပူးပေါင်းရင်းမြစ်များ

Matius 18:7

Allah paca'an mohukupm dunia ni'in obai boko hal inyo bulah boko urakng bodosa! Memang boko hal nantai gola' ado, apo Allah paca'an mohukupm sotiap urakng inyo bulah urakng bukai bodosa!

Matius 26:31

Di santai, Yesus bopandir ko sia', “Watu malapm ni'in jam, kaitn somuo paca'an moninggalan Aku. Obai gola' tojadi sosuai agatn pomandiran Allah ni'in inyo totulis dalapm Buku Suci: ‘Aku paca'an mombunuh Gombala nantai, lalu boko domba-Nyo paca'an botomboburan.’

Matius 26:54

Apo aman Aku molabuhan nantai, lalu tulisan di dalapm Buku Suci mongona'i Aku kinyo paca'an digonapi. Tulisan nantai momandiran obai somuonyo gola' tojadi sama'an inyo tojadi watu ni'in.”

Matius 26:56

Apo, somuonyo ni'in tojadi oca' pomandiran mongona'i Aku inyo ditulis boko nabi digonapi.” Lalu somuo murid Yesus morarian diri moninggalan Sio.

Markus 14:21

Udah totulis dalapm buku Suci obai Ana' Monsio paca'an disorahan ko boko urakng inyo molawatn-Nyo. Sosuai agatn tulisan nantai, hal nantai paca'an tojadi ko Io. Apo Allah paca'an mohukupm urakng inyo molabuhan nantai. Lobih boi' pakai' urakng nantai aman io kinyo kalo dilahiran samo sokali!”

Markus 9:12

Timbas Yesus, “Bondaram hal nantai udah ditulis dalapm Buku Suci. Nabi Elia tajahan holu datakng pakai' monyiap'an somuo hal pakai' kodatakan Rajo Inyo Dijanjian Allah. Apo pondinga'anbo ni'in: Nabi Elia inyo dimasud nantai udah datakam. Boko urakng bulah inyo jahat ko io sokohonda' hati sia'. Apo, somuo nantai tojadi sosuai agatn pomandiran inyo totulis mongona'i Io dalapm buku Suci. Jadi, porotian jam pomandiran inyo totulis mongona'i Ana' Monsio. Buku Suci mongatoan obai Ana' Monsio paca'an dihanyam huatan banya' moalapi ajab sonsaro. Pikiran cam mongona'i masud pomandiran nantai.”

Lukas 22:22

Ana' Monsio memang tajahan mati sosuai agatn caro inyo udah ditontuan Allah. Apo Allah tajahan mohukupm urakng inyo monyorahan-Nyo!”

Lukas 24:46

Sio bopandir, “Di dalapm Buku Suci udah ado totulis mongonaꞌi Rajo Inyo Dijanjian Allah. Io gola' ajab sonsaro sampai mati, ongko tigo ari lopas nian Io bobali' hidup.

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Yohanes 19:24

Boko projurit nantai bopandir ko siku'-monyiku', “Jangan kito birat-birat jubah ni'in. Mara kito boundi pakai' monontuan sopo inyo mondapat'annyo.” Nantai tojadi oca' lapo inyo ditulis di Buku Suci digonapi. Bunyi tulisannyo ni'in: “Sia' mombagi-bagi pakai'an-Ku. Sia' boundi pakai' jubah-Ku.” Hal nantai inyo dilabuhan boko projurit.

Yohanes 19:28

Yesus tohu obai boko pokoroja'an-Nyo udah tuntukam. Obai nantai, Sio bopandir, “Aku korahakan!” Sio mongatoan nantai oca' pomandiran inyo ditulis di Buku Suci digonapi.

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Kisah Boko Rasul 28:23

Ongko, sia' monontuan watu pakai' botomu agi' agatn Paulus. Pas ari nantai lobih banya' urakng datakng bokumpul di rumah tompat io monoluntukng. Doi' sunsukng tuntukng ko malapm Paulus monjolasan ko sia' mongona'i Koraja'an Allah. Io moingant'an sia' mongona'i boko hal inyo ditulis Musa huatan boko nabi watu joman komai. Agatn caro nantai, io bousaha moyakit'an sia' pakai' pocayo ko Yesus.

Kisah Boko Rasul 4:28

Apo Duatn Maho Kuaso inyo moatur somuonyo doi' joman komai. Somuonyo nantai udah tojadi obai sosuai agatn kohonda' Duatn.

1 Korintus 15:3

Aku udah monorima' Kabar Boi' ongko aku monyampaian nantai ko kaitn. Inyo kotakan pontikng doi' Kabar nantai ia'an boko kojadian ni'in: Kristus udah mati obai boko dosa kito. Hal nantai sama'an inyo ditulis dalapm Buku Suci.