Matius 26:21 - Porjanjian Boharu Torjomahan Baso Dilakng Soari-ari

²¹ Pas sia' tongahan makatn, Sio bopandir, “Pondinga'anba Aku! Salah siku' doi' kaitn paca'an monjual Aku ko boko musuh-Ku.”

Matius 26:21 ပူးပေါင်းရင်းမြစ်များ

Yohanes 13:21

Lopas Yesus bopandir sama'an nantai, Sio kotakng salu'. Lalu, Sio momadahan agatn sobobondarnyo, “Dinga'ancam! Bobondar inyo Aku pandiran ni'in: Salah siku' urakng doi' antaro kaitn paca'an monyorahan Aku ko musuh.”

Ibrani 4:13

Conyiant la'apo pan inyo toombakan doi' mato-Nyo. Somuo hal jolas huatan tobuka' di hadapan Sio. Somuo kito gola' moaku'i somuo porbuatan kito ko Sio.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.

Matius 26:2

Kato-Nyo, “Kaitn tohu cadoai obai duo ari agi' paca'an ado Ari Rayo Paskah. Watu nian, boko urakng paca'an monangkap Ana' Monsio, sia' paca'an monyorahan-Nyo ko boko urakng oca' Sio dihukupm mati di kayu salib.”

Matius 26:22

Hal nantai bulah hati sia' kotakan salu'. Sia' siku'-monyiku' bopandir ko Sio, “Pasti bukainyo aku, oi Tuhatn?”

Yohanes 13:18

Aku co bopandir mongona'i kaitn somuo. Aku mongonal boko urakng inyo udah Ku pilih. Apo ado pomandiran dalapm Buku Suci inyo gola' digonapi, ia'an, ‘Urakng inyo makatn bosamo Ku, io paca'an molawatn Aku.’

Yohanes 13:22

Boko murid-Nyo mongilikng ko siku'-monyiku'. Sia' kotakng hiratn obai co tohu sopo inyo dimasud.