Matius 26:18 - Porjanjian Boharu Torjomahan Baso Dilakng Soari-ari

¹⁸ Timbas Yesus, “Mansu' ko kota Yerusalem ko urakng nantai inyo kito konal. Padahan ko io, ‘Guru ado posatn. Watu pakai' Sio hampir datakam. Sio honda' morayaan Paskah di dalapm rumah kolai bosamo-samo agatn boko murid-Nyo.’ ”

Matius 26:18 ပူးပေါင်းရင်းမြစ်များ

Yohanes 7:6

Kato Yesus ko sia', “Watu inyo Allah tontuan pakai' Aku bolupm datakng. Apo hala ado watu inyo pas pakai' kaitn.

Yohanes 17:1

Lopas jadi Yesus momadahan somuonyo nantai ko boko murid-Nyo, Sio monongadah ko langit, kato-Nyo, “Bopai, udah watunyo am. Muliaancam Ana' Duatn, oca' Aku ulih momuliaan Duatn.

Yohanes 13:1

Sobolupm Ari Rayo Paskah, Yesus udah tohu obai udah datakng watu-Nyo pakai' Sio moninggalan dunia ni'in lalu bobali' ko Allah Bopai. Yesus mongasihi kolompok urakng di dunia inyo monjadi umputn-Nyo. Sio hala mongasihi sia' sampai ari toahir Sio ado di dunia.

Yohanes 7:30

Obai nantai, sia' bousaha monangkap Yesus, apo conyiant ado siku' urakng pan inyo ulih moncama'-Nyo, obai watunyo nantai bolupm datakng.

Yohanes 7:8

Kaitn ja'am botula' ko pogai nantai. Aku co botula' ko su'utan obai bolupm watu Ku.”

Yohanes 12:23

Kato Yesus ko sia', “Udah datakam watunyo Ana' Monsio dimuliaan.

Lukas 22:53

Sotiap ari Aku hala ada'an agatn kaitn di tongahlamanan Rumah Allah, apo timpu nantai kaitn co monangkap Aku. Apo ninam watunyo kaitn labuh, watu Rajo Sitatn bulah pokoroja'annyo inyo jahat.”

Yohanes 11:28

Lopas jadi Marta bopandir bunyi nantai, io botula' moningkau somadikannyo Maria. Marta bongkucapan ko Maria. Katonyo, “Guru ado di si'itan. Sio honda' botomu agatn kulo.”

Markus 5:35

Tongahan Yesus ija' bopandir, datakam urakng inyo disiuh doi' rumah Yairus, kopala' rumah sombayakng nantai tontai. Katonyo ko Yairus, “Ana' kolai udah mati. Jangan monggogiru Guru agi'.”

Matius 26:2

Kato-Nyo, “Kaitn tohu cadoai obai duo ari agi' paca'an ado Ari Rayo Paskah. Watu nian, boko urakng paca'an monangkap Ana' Monsio, sia' paca'an monyorahan-Nyo ko boko urakng oca' Sio dihukupm mati di kayu salib.”

Matius 23:10

Jangan jam kaitn honda' ditingkau ‘Pomimpitn’. Obai, kaitn bayo ado siku' Pomimpitn mo, ia'an Rajo Inyo Dijanjian Allah.

Matius 23:8

Apo jangan kaitn gala' disobut ‘Guru’. Obai, kaitn bayo ado siku' mo ‘Guru’, ia'an Aku. Huatan kaitn somuo somadikan.

Matius 21:3

Aman ado urakng inyo monogur kaitn, padahan ko urakng nian, ‘Tuhatn momontikannyo. Apo paca'an copatmo Sio momulakannyo.’ ”

Yohanes 20:16

Lalu, kato Yesus ko io, “Maria!” Maria mongilikng, lalu sadar nantai Yesus. Katonyo, “Rabuni!” (Dalapm baso Ibrani rotinyo “Guru”.)

Matius 26:49

Jadi, pas rombokannyo datakam, Yudas lansukng mondataki Yesus. Katonyo, “Salapm, Guru!” Lalu, Yudas monciupm Sio.

Matius 26:19

Lalu, boko murid Yesus molabuhan la'apo inyo disiuh ko sia'. Sia' botula' monyiap'an pomakatn nantai pakai' morayaan Paskah.