Matius 26:14 - Porjanjian Boharu Torjomahan Baso Dilakng Soari-ari

¹⁴ Lopas nian, Yudas Iskariot, salah siku' doi' koduo bolas rasul Yesus, io botula' ko boko imam kopala'.

Matius 26:14 ပူးပေါင်းရင်းမြစ်များ

Matius 10:4

Simon (urakng Zelot), Yudas Iskariot (inyo lopas nian monyorahan Yesus ko musuh-Nyo).

Matius 26:25

Lalu, Yudas, urakng inyo paca'an monjual Yesus, io bopandir, “Pasti bukainyo aku, oi Guru?” Timbas Yesus, “Ubo nanam kato kolai.”

Matius 26:47

Watu Yesus ija' bopandir, Yudas datakng. Io ia'an salah siku' doi' koduo bolas rasul. Bosamo agatn io, sorombokan urakng datakam mombaba' podakng ongko pompangkukng. Sia' disiuh boko imam kopala' ongko boko pomimpitn banso Yahudi.

Matius 27:3

Yudas, nam urakng inyo monjual Yesus, io moniant obai udah ado koputusan pakai' mohukupm mati Yesus. Timpu nantai, Yudas monyosal. Io momulakan tigo puluh pingkai' duit pira' nantai ko boko imam kopala' ongko boko pomimpitn banso Yahudi nantai.

Yohanes 12:4

Apo Yudas Iskariot, salah siku' murid Yesus, (ia'an io inyo co manah agi' monyorahan Yesus ko boko musuh-Nyo), Yudas bopandir,

Yohanes 13:2

Jadi, watu nantai Yesus agatn boko murid-Nyo tongahan makatn malapm. (Sobolupm nantai, Rajo Sitatn udah bokorojo di dalapm hati Yudas Iskariot, ana' Simon. Rajo Sitatn mombulah oca' Yudas honda' monyorahan Yesus ko boko musuh-Nyo.)

Yohanes 13:26

Timbas Yesus, “Aku paca'an moncolupan sopingka'i roti lalu moonju' ko siku' urakng. Urakng nanam inyo paca'an monyorahan Aku ko musuh!” Jadi, Yesus monguti' roti, moncolupannyo, lalu dionju' ko Yudas, ana' Simon Iskariot.

Yohanes 13:30

Lopas Yudas monorima' roti nantai, io lansukng botula'. Watu nantai udah malapam.

Yohanes 18:2

Obai Yesus hala bokumpul di santai agatn boko murid-Nyo. Yudas ia'an murid Yesus inyo mohianati Sio pan tohu tompat nantai.

Kisah Boko Rasul 1:16

“Boko somadikanku, sobolupmnyo Yudas tomansu' dalapm kolompok koi boko rasul. Io molayati bonsamoan agatn koi. Apo io jam mombori'tohu caro oca' Yesus ulih ditangkap.” (Yudas mondapat'an duit pakai' molabuhan kojahatan nantai. Agatn duit nantai io momboli sobidakng tanah. Di pucu' tanah nantai io jatu' tokosungkapm, porutnyo tobolah sampai somuo isinyo koluar, ongko io mati. Somuo urakng di kota Yerusalem udah mondinga' mongona'i nantai. Jadi dalapm baso sia' tanah nantai disobut ‘Hakal-Dama’, rotinyo “Tanah Darah”.) Kato Petrus, “Apo, joman komai kojadian nantai udah totulis dalapm Buku Suci. Kojadian nantai tojadi sosuai agatn tulisan nantai. Joman komai Roh Allah momimpitn Rajo Daud monulis mongona'i hukupan inyo cucu' pakai' Yudas di Buku Mazmur. Bunyi ni'in tulisannyo: ‘Biaram rumah io monjadi puakng; Biaram co nyiant urakng inyo bodiapm di su'utn.’ Kato ni'in pan ditulis: ‘Biaram kodudu'an urakng nantai dikuti' ulih urakng bukai.’