Matius 26:10 - Porjanjian Boharu Torjomahan Baso Dilakng Soari-ari

¹⁰ Apo Yesus mongotohu'i pikiran sia' nantai. Kato-Nyo ko sia', “Jangan kaitn monyusahan botina' ni'in! Io molabuhan lou' inyo boi' ko aku.

Matius 26:10 ပူးပေါင်းရင်းမြစ်များ

Titus 3:8

Somuo inyo udah ku pandiran nantai bondar ongko ulih dipocayo. Aku honda' oca' kolai moajaran somuo nantai agatn togas. Ajaricam somuo nantai ko boko urakng inyo pocayo ko Allah oca' sia' moutamoan pakai' bulah koboi'an. Somuo nantai boi' huatan boguno pakai' boko urakng banya'.

Ibrani 13:21

Aku bodoa oca' Allah moonju' ko kaitn somuo hal boi' inyo dipontikan kaitn pakai' molabuhan kohonda'-Nyo. Aku bodoa oca' Allah molalu'i Yesus Kristus, mongorojoan dalapm hati kito somuo hal inyo dikohonda'i-Nyo. Mara kito momuji Sio pakai' somanah-manahnyo. Amin!

Titus 3:14

Bukainyo bayo nantai, apo somuo urakng inyo pocayo di pulau Kreta nantai gola' bolajar bulah koboi'an. Sia' gola' bousaha pakai' molabuhan nantai oca' sia' ulih monulukng urakng bukai inyo ado kopontikannyo. Aman sia' molabuhan nantai, hidup sia' paca'an boguno.

Titus 3:1

Padahan ko boko urakng pocayo oca' sia' mohormati somuo pomimpitn pomorintah ongko somuo pomimpitn laman. Sia' gola' monaati somuo pomimpitn. Ingant'ancam somuo urakng pocayo oca' sia' siap pakai' mongorojoan la'apo aja' inyo boi'.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Titus 1:16

Sia' mongatoan obai sia' mongonal Allah. Apo porbuatan sia' monunju'an obai sia' kinyo mongonal Allah. Allah campah agatn sia'. Sia' kinyo taat ko Sio. Sia' kinyo mampu molabuhan la'apo pan inyo boi'.

2 Timotius 2:21

Boko urakng inyo monyongkayoan diri doi' boko hal inyo kinyo gaho pontikng nantai samo sama'an boko pokakas inyo digunoan pakai' pogota'an inyo pontikng. Io disongkayoan pakai' pogota'an inyo husus. Io cucu' dipakai Tuhatn huatan siap dipakai pakai' pokoroja'an la'apo pan inyo boi'.

1 Timotius 5:10

Botina' balu nantai gola' dikonal sobagai urakng inyo hala bulah koboi'an. Contohnyo: io mombosaran poana'annyo agatn caro boi', io gola' agatn coraca'an bosodia moonji'i koluntukan, io gola' rondah hati molayati boko urakng pocayo huatan mombasu'i kaki sia', io gala' monulukng urakng inyo moalapi kosusahan. Io gola' moutamoan boko porbuatan boi' sama'an nantai dalapm kohidupannyo.

1 Timotius 3:1

Pomandiran ni'in bondar, “Aman ado urakng inyo honda' monjadi ponotua' jomaat, memang urakng nantai mongohonda'i pokoroja'an inyo boi'.”

2 Tesalonika 2:17

monguat'an hati kaitn oca' kaitn hala molabuhan huatan momandiran boko hal inyo boi'.

Kolose 1:10

Agatn sama'an nantai kaitn ulih hidup agatn caro inyo hala monyonangan Tuhatn. Jadi, somuo porbuatan boi' inyo kaitn labuhan paca'an ado pongulihan inyo boi'. Kaitn pan paca'an mongkitn mongotohu'i mongona'i Allah huatan mongkitn mongonal Sio.

Efesus 2:10

Obai kito ni'in pulahan Allah huatan molalu'i Kristus, Allah mombulah kito oca' kito molabuhan boko hal inyo boi', ia'an boko pokoroja'an inyo udah Sio siap'an sobolupmnyo pakai' kito.

Galatia 6:17

Aku didorako'i obai aku rasul Yesus. Di bukakngku ija' ado bokas boko luko didorako'i. Obai nantai, mula'i doi' ni'in, jangannam ado urakng inyo monyusahan aku.

Galatia 5:12

Apo, bayo bosunant ja'am kinyo cukup pakai' boko urakng nantai inyo mongacauan pikiran kaitn. Lobih boi' sia' monota' butuh sia' somuonyo!

Galatia 1:7

Apo nantai bukai Kabar Boi' inyo bondar! Boko urakng inyo moajaran nantai honda' morubah Kabar Boi' mongona'i Yesus Kristus, ia'an Rajo Inyo Dijanjian Allah. Sia' moncubo monggonti'i Kabar Boi' inyo bondar nantai agatn kabar inyo salah. Jadi, sia' bulah kaitn monjadi kacau.

2 Korintus 9:8

Ingantcam obai Allah sanggup moonji'i banya' borokat ko kaitn, oca' kaitn hala ado la'apo pan inyo kaitn pontikan. Agatn ubo nantai, kaitn ulih molabuhan banya' porbuatan boi'.

Markus 14:6

Apo Yesus bopandir, “Biaran io ja'am. Jangan kaitn monyusahannyo! Io molabuhan inyo boi' ko aku.

1 Petrus 2:12

Kaitn gola' hidup agatn caro inyo boi' di antaro boko urakng inyo bolupm mongonal Allah. Agatn ubo nantai, biar pan sia' mongatoan kaitn jahat, sia' tajahan moniant porbuatan kaitn inyo boi'. Akibatnyo, sia' pan tajahan momuliaan Allah watu Sio datakng nononyo.

Matius 26:9

Minya' harupm nian ulih dijual agatn rogo inyo mahal lalu duitnyo dionju' ko boko urakng jaro!”

Matius 26:11

Kaitn hala ado kosompatan pakai' bulah koboi'an ko boko urakng jaro obai sia' hala ada'an di antaro kaitn. Apo Aku co paca'an hala bosamo-samo agatn kaitn.

Lukas 8:49

Tongahan Yesus ija' bopandir, datakng siku' polayatn doi' rumah Yairus, kopala' rumah sombayakng nantai. Katonyo ko Yairus, “Ana' duatn matiam. Padohan monyusahan Guru agi'.”