Matius 25:8 - Porjanjian Boharu Torjomahan Baso Dilakng Soari-ari

⁸ Boko botina' daro inyo budu bopandir ko boko botina' daro inyo pintar-corodi'. Kato sia', ‘Onji'i koi minya' kaitn sodikit bo, obai pompolitoan koi udah honda' buta'am.’

Matius 25:8 ပူးပေါင်းရင်းမြစ်များ

Lukas 12:35

“Kaitn gola' hala bojojago samo sama'an boko hulutn inyo hala monanti kodatakan habakngnyo pulakng doi' hundakan kawitn. Sia' hala bopakaian pakai' molayati habakngnyo, hala momastian pompolitoan rumah totap bonyalo, hala siap oca' aman habakngnyo pulakng ongko mongetok lawakng, sia' ulih lansukng mombuka'i lawakng pakai' io.

Ibrani 4:1

Obai nantai, boko somadikan, kito gola' boboi'. Allah udah bojanji obai somuo urakng inyo pocayo ulih mansu' ko dalapmtompat torahat inyo Sio siap'an. Janji Allah nantai ija' bolaku pakai' kito watu joman ni'in. Apo, kaitn gola' boboi' oca' conyiant di antaro kaitn inyo culih mansu'.

Wahyu 3:9

Porhatiancam! Boko urakng nantai doi' umant Rajo Sitatn, sia' monyobut dirinyo urakng Yahudi. Apo sobondarnyo sia' bukainyo anggota umant Allah. Sia' tumbukan! Aku paca'an bulah sia' datakng tundu' monyungkapan di pohadapan kaki kaitn. Lalu, sia' paca'an tohu obai Aku mongasihi kaitn.

Lukas 16:24

Io mondongkakng-mondorah, ‘Bopai Abrahapm! Aku kotakng ajab sonsaro di dalapm api ni'in. Kasihibo aku Bopai! Siuh Lazarus moncolupan jarinyo ko dalapm ara'i ongko datakng mondinginan lidahku agatn ara'i nantai.’

Lukas 8:18

Jadi porotian boboi' caro kaitn monorima' somuo pomandiran-Ku. Obai urakng inyo udah ado, paca'an dionji'i lobih banyaꞌ agi'; apo urakng inyo conyiant, la'apo pan inyo dianggap umputnnyo tajahan dikuti'.”

Matius 3:9

Jangan bopikir dalapm hati: Koi koturutan doi' Abrahapm. Pasti Allah kinyo paca'an mohukupm koi. Ingant: Doi' boko batu ni'in pan Allah ulih bulah koturutan Abrahapm!

Kisah Boko Rasul 8:24

Timbas Simon, “Tulukng kaitn duo bodoacam ko Tuhatn. Bodoa oca' somuo inyo udah kaitn katoan nantai kinyo tojadi ko aku.”

Matius 25:1

“Watu Aku datakng agi', Koraja'an Sorugo samo sama'an kisah ni'in: Ado sopuluh urakng botina' daro inyo botula' ko pogai kawitn pakai' monyambut pongantitn lolaki. Sia' masikng-masikng mombaba' pompolitoannyo.

Matius 25:7

Boko botina' daro nantai huas lalu monyiap'an pompolitoan sia' masikng-masikng.

Matius 25:9

Apo boko botina' daro inyo pintar-corodi' nantai bopandir, ‘Koi co ulih bobagi agatn kaitn! Gola' kinyo cukup. Jadi momboli cam ko urakng ponjual minya'.’