Matius 25:43 - Porjanjian Boharu Torjomahan Baso Dilakng Soari-ari

⁴³ Timpu Aku sonsiku'an monomuai di doerah kaitn, kaitn co mongorumahan Aku. Timpu Aku co nyiant pakai'an, kaitn co moonji'i Aku pakai'an. Timpu Aku sakit damo di ponjara, kaitn co monjongu' Aku.’

Matius 25:43 ပူးပေါင်းရင်းမြစ်များ

Matius 25:36

Pas Aku co nyiant pakai'an, kaitn moonji'i Aku pakai'an. Timpu Aku boponyakit, kaitn moubat'i Aku. Timpu Aku di ponjara, kaitn monjongu' Aku.’

Matius 25:42

Kaitn dibuakan ko siatn, obai timpu Aku kolaparan, kaitn co moonji'i Aku pomakatn. Timpu Aku korahakan, kaitn co moonji'i Aku minum.

Matius 25:44

Lalu boko urakng nantai paca'an botakutn ko Sio, ‘Tuhatn, sombilo kironyo koi kalo moniant Duatn kolaparan, damo korahakan, damo samo sama'an urakng ponomuai, damo co nyiant pakai'an, damo sakit, damo dalapm ponjara, huatan koi co monulukng Duatn?’

Kisah Boko Rasul 15:36

Boboropo watu lopas nian, Paulus bopandir ko Barnabas, “Mara kito duo bobali' ko boko somadikan di sotiap kota inyo kalo kito dataki komai. Kito udah momboritoan mongona'i boko pomandiran Tuhatn Yesus di su'utn. Jadi, soboi'nyo kito moniant sama'an la'apo koadaan kopocaya'an sia'.”

Ibrani 13:2

Jangan hohatian moonji'i koluntukan ko urakng bukai. Obai, boboropo urakng udah molabuhan nantai, ongko sobondarnyo sia' moonji'i koluntukan ko boko molekat biar pan sia' kinyo tohu nantai.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.