Matius 25:36 - Porjanjian Boharu Torjomahan Baso Dilakng Soari-ari

³⁶ Pas Aku co nyiant pakai'an, kaitn moonji'i Aku pakai'an. Timpu Aku boponyakit, kaitn moubat'i Aku. Timpu Aku di ponjara, kaitn monjongu' Aku.’

Matius 25:36 ပူးပေါင်းရင်းမြစ်များ

Matius 25:37

Lalu boko urakng inyo bondar nantai paca'an botakutn ko Sio, ‘Tuhatn, sombilo koi kalo moniant Duatn kolaparan huatan moonji'i Duatn pomakatn? Sombilo koi moniant Duatn korahakan huatan moonji'i Duatn minum?

Matius 25:43

Timpu Aku sonsiku'an monomuai di doerah kaitn, kaitn co mongorumahan Aku. Timpu Aku co nyiant pakai'an, kaitn co moonji'i Aku pakai'an. Timpu Aku sakit damo di ponjara, kaitn co monjongu' Aku.’

Lukas 3:11

Yohanes monimbas, “Urakng inyo ado duo lambai' baju, gola' moonji'i solamba'i ko urakng inyo conyiant ado bajunyo. Huatan urakng inyo ado pomakatn, gola' bobagi ko urakng inyo conyiant pomakatnnyo.”

Kisah Boko Rasul 20:35

Dalapm somuo inyo aku labuhan nantai, aku monjadi contoh pakai' kaitn. Kaitn pan gola' bokorojo koras ongko monulukng boko urakng inyo jaro. Jangan tongkolupatn pomandiran Tuhatn Yesus, ‘Allah lobih momborokati urakng inyo moonji'i bantu'an daripado urakng inyo monorima' bantu'an.’ ”

Ibrani 10:34

Kaitn jumpat mondorita' agatn sia' inyo ditamoan ko ponjara. Timpu kodampuan kaitn dirampas, kaitn totap sonang-nyaman. Obai, kaitn tohu kaitn ija' ado kodampuan inyo lobih boi', ia'an kodampuan di sorugo inyo tahatn somanah-manahnyo.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.

Yakobus 1:27

Apo ninam sombayakng inyo monyonangan Allah Bopai kito. Ia'an io borotian pondorita'an boko bobia' kumang ongko boko urakng balu janda, lalu monulukng sia'. Io pan monjago diri oca' boko hal jahat di dunia ni'in kinyo mompongaruhi io.