Matius 25:35 - Porjanjian Boharu Torjomahan Baso Dilakng Soari-ari

³⁵ Kaitn ulih mansu' obai timpu Aku kolaparan, kaitn moonji'i Aku pomakatn. Timpu Aku korahakan, kaitn moonji'i Aku minum. Timpu Aku monomuai di doerah kaitn, kaitn monorima' Aku di dalapm rumah kaitn.

Matius 25:35 ပူးပေါင်းရင်းမြစ်များ

Ibrani 13:16

Jangan kolupatn bulah koboi'an ongko monulukng urakng bukai, obai boko hal nantai samo sama'an kurbatn posombahan jam inyo monyonangan hati Allah.

Yakobus 1:27

Apo ninam sombayakng inyo monyonangan Allah Bopai kito. Ia'an io borotian pondorita'an boko bobia' kumang ongko boko urakng balu janda, lalu monulukng sia'. Io pan monjago diri oca' boko hal jahat di dunia ni'in kinyo mompongaruhi io.

Roma 12:13

Tulukngcam kopontikan boko urakng inyo pocayo ko Kristus. Kaitn gola' hala sonang hati monorima' urakng pocayo dalapm rumah kaitn.

Roma 12:20

Jadi, daripado kaitn mombalas, aman musuh kaitn kolaparan, onji'i io pomakatn. Aman io korahakan, onji'i io minum. Agatn caro ubo nantai, somadikan tajahan bulah io malu.

Ibrani 6:10

Obai, Allah adil. Sio kinyo kolupatn agatn polayatan kaitn. Sio kinyo tongkolupatn aman kaitn mongasihi urakng bukai oca' damo Sio dipuji. Ia'an nantai, kaitn udah monulukng boko urakng inyo pocayo. Sampai watu ni'in, kaitn totap monulukng sia'.

Filemon 1:7

Somadikanku! Kolai udah monyegaran hati boko urakng inyo husus umputn Allah. Obai kasih kolai nantai, jadi aku kotakan sonang bondar huatan hati ku botambah somangant.

1 Timotius 5:10

Botina' balu nantai gola' dikonal sobagai urakng inyo hala bulah koboi'an. Contohnyo: io mombosaran poana'annyo agatn caro boi', io gola' agatn coraca'an bosodia moonji'i koluntukan, io gola' rondah hati molayati boko urakng pocayo huatan mombasu'i kaki sia', io gala' monulukng urakng inyo moalapi kosusahan. Io gola' moutamoan boko porbuatan boi' sama'an nantai dalapm kohidupannyo.

Efesus 4:28

Urakng inyo komainyo pongolit jangan mongolit agi'. Apo io gola' bokorojo koras agatn jarinyo siku', mombulah boko hal inyo boi', oca' io ulih monulukng urakng bukai inyo ado kopontikannyo.

Roma 16:23

Salapm ko kaitn doi' Gayus, inyo monorima'ku bodiapm di rumahnyo. Io pan monorima' somuo jomaat di rumahnyo. Salapm ko kaitn doi' Erastus, bendahara kota. Salapm jam doi' Kwartus, urakng inyo pocayo samo sama'an kito. [

Kisah Boko Rasul 16:15

Io huatan somuo urakng inyo bodiapm di rumahnyo dibaptis. Ongko, Lidia mohundakng koi ko rumahnyo. Katonyo, “Aman kaitn moanggap obai aku bondar-bondar pocayo ko Tuhatn Yesus, huncapm bujakng ko rumah aku.” Obai io monyosahan, jadi koi monorima' tawarannyo nantai.

Kisah Boko Rasul 11:29

Lopas jadi, mondinga' posatn nantai, somuo murid Yesus di Antiokhia momutusan pakai' monulukng boko somadikan nantai inyo tinggal di doerah Yudea. Sia' mongumpulan sumbakan. Sotiap urakng moonji'i sumbakan sobanya' mungkitn, sosuai agatn pongulihan siku'-monyiku'.

Kisah Boko Rasul 10:31

Kato molekat nantai, ‘Kornelius, Allah mondinga' doa kolai. Allah pan sonang obai kolai opat moonji'i duit ko boko urakng jaro.

Kisah Boko Rasul 4:32

Agatn kuaso inyo luar biaso, boko rasul hala momboritoan mongona'i Tuhatn Yesus udah hidup agi' doi' komatian. Allah kotakan monunju'an kasih-Nyo ko somuo urakng inyo pocayo nantai. Sia' hala sohati sopikiran. Co nyiant doi' sia' inyo moanggap kodampuannyo nantai umputn io siku'. Somuo inyo umputn sia' digunoan pakai' kopontikan bosamo.

Yohanes 13:29

Ado inyo monyangko Yesus monyiuh Yudas momboli boko hal inyo dipontikan pakai' morayaan pogai Paskah nantai damo monyiuh Yudas pakai' botula' moonju' la'apo pan ko urakng jaro. Sia' bopikir sama'an nantai obai Yudas inyo monyimpatn kas duit sia'.)

Lukas 11:41

Jadi daripado bayo momborosihi tobi' luar pirikng-mangku' nian, onji'icam pomakatn inyo ado di dalapmnyo ko boko urakng jaro. Hoyu' kaitn bondar-bondar monyonangan hati Allah.

Markus 14:7

Aman kaitn honda', kaitn hala ado mo kosompatan pakai' monulukng boko urakng jaro obai sia' hala bosamo agatn kaitn. Apo Aku kinyo paca'an hala bosamo agatn kaitn.

Matius 26:11

Kaitn hala ado kosompatan pakai' bulah koboi'an ko boko urakng jaro obai sia' hala ada'an di antaro kaitn. Apo Aku co paca'an hala bosamo-samo agatn kaitn.

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’