Matius 25:30 - Porjanjian Boharu Torjomahan Baso Dilakng Soari-ari

³⁰ Nah, mongona'i hulutn inyo co boguno nantai. Buakan ja'am io koluar ko tompat inyo kotakng potakng. Di siatn boko urakng paca'an monangis huatan bokorit gigi obai sangant ajab sonsaro.’ ”

Matius 25:30 ပူးပေါင်းရင်းမြစ်များ

Matius 8:12

Apo soharusnyo urakng inyo mansu' ko dalapm Koraja'an nantai paca'an dibuakan ko noraka. Di santai sia' paca'an monangis huatan gorit'an gigi obai kotakng ajab sonsaro.”

Matius 22:13

Lalu, rajo nantai bopandir ko boko hulutnnyo, ‘Kobat kaki huatan longan urakng ni'in. Buakancam io ko tompat inyo kotakan potakng. Somuo urakng di santai paca'an monangis ongko bokorit gigi obai kotakan mondorita'.’ ”

Matius 13:50

Boko molekat paca'an mombuakan urakng inyo jahat ko dalapm api noraka. Di santai sia' paca'an monangis ongko bokorit gigi obai kotakan mondorita'.”

Yudas 1:13

Sia' samo sama'an golumbakng bosar inyo mombaba' apukng inyo kotor, ia'an porbuatan jahat sia' inyo soharusnyo mombulah sia' malu. Sia' sama'an boko bintakng inyo bopindah-pindah. Jadi, boko urakng nantai paca'an dihukupm somanah-manahnyo di tompat inyo kotakan potakng-hiru' inyo udah disodiaan pakai' sia'.

Titus 3:14

Bukainyo bayo nantai, apo somuo urakng inyo pocayo di pulau Kreta nantai gola' bolajar bulah koboi'an. Sia' gola' bousaha pakai' molabuhan nantai oca' sia' ulih monulukng urakng bukai inyo ado kopontikannyo. Aman sia' molabuhan nantai, hidup sia' paca'an boguno.

Yohanes 15:6

Somuo urakng inyo kinyo bosatu agatn Aku, sia' samo sama'an boko dahatn inyo dibuakan, lalu monjadi ranggau. Boko ranggau ubo nantai paca'an dikumpulan, dibuakan lalu dicucul ko api.

Lukas 13:28

Watu nian, kaitn tajahan moniant angki-bayatn kaitn Abrahapm, Ishak, ongko Yakub huatan somuo nabi di dalapm Koraja'an Allah di sorugo, apo kaitn paca'an ditikapan ko noraka. Di santai kaitn tajahan monangis huatan monggorit'an gigi obai kotakng ajab sonsaro.

Matius 24:51

Pasti habakngnyo nantai paca'an mombunuh hulutn nantai, lalu ditikapannyo ko tompat hukupan pakai' somuo urakng inyo pompadah boi' nantai. Di siatan sia' paca'an monangis ongko bokorit gigi obai kotakan ajab sonsaro.”

Matius 13:42

lalu mombuakan sia' ko dalapm api noraka. Di santai sia' paca'an monangis ongko bokorit gigi obai kotakan mondorita'.

Wahyu 21:8

Apo boko urakng ponggola'an, boko urakng inyo kinyo pocayo, boko urakng inyo jahat, boko urakng pombunuh, boko urakng inyo bodosa pombotina', boko tukakng sihir, boko urakng inyo monyombah lompatukng, boko urakng tumbukan, somuo sia' paca'an ditikapan ko dalapm loutan api inyo tongahan bonyalo agatn bolerang. Nantai damonyo komatian koduo, ia'an mati pakai' somanah-manahnyo.”

2 Petrus 2:17

Boko guru palsu nantai ia'an samo sama'an mato ara'i inyo rangkai, samo sama'an agatn kabut inyo ditiup ulih angin bonakau. Allah udah monyodia'an tompat pakai' sia' inyo kotakan potakng.

Matius 5:13

“Kaitn ni'in garapm dunia. Apo aman garapm monjadi taba'i, co mungkitn dipulah mancitn agi'. Garapm nantai kinyo boguno agi'. Ongko, garapm nantai dibuakanmo ongko ditonja' urakng.

Matius 3:10

Kapak pakai' monobakng kayu tuntukng ko akarnyo udah tosodia. Jadi tontanaman inyo kinyo mohasilan buah inyo boi', paca'an ditobakng ongko ditikapan ko api.