Matius 25:26 - Porjanjian Boharu Torjomahan Baso Dilakng Soari-ari

²⁶ Lalu habakngnyo nantai monimbas, ‘Kolai hulutn inyo jahat huatan losa-lombaro! Jadi kolai udah tohu aku dapat kountukan doi' pokoroja'an urakng bukai samo sama'an potani inyo monguti' hasil hanyian doi' lakau inyo co ku tanam.

Matius 25:26 ပူးပေါင်းရင်းမြစ်များ

Matius 18:32

Jadi, rajo nantai moningkau hulutn nantai. Kato rajo nantai ko io, ‘Kolai ni'in hulutn inyo jahat. Aku udah mohilakan somuo hutakng kolai obai kolai momuhun ko aku.

Matius 21:8

Banya' bondar urakng inyo moincar boko jubah sia' dijalatn pakai' mohormati Sio. Ado banya' jam urakng inyo monota' boko ranggau kayu lalu moncacainyo di jalatn.

Matius 25:24

Lopas nian, hulutn inyo monorima' soribu pingkai' duit nantai datakng. Katonyo, ‘Habakng, aku tohu duatn ni'in urakng inyo kojapm. Duatn dapat untukng doi' pokoroja'an urakng bukai samo sama'an potani inyo monguti' hasil hanyian doi' lakau inyo kinyo io tanam.

Matius 25:25

Obai nian, aku gola'. Aku botula' moombakan duit duatn nantai di dalapm tanah. Tiat, ni'in duit duatn.’

Matius 25:27

Aman sama'an nian, soharusnyo kolai moonju' duit nantai ko urakng inyo honda' monjalatannyo, oca' watu aku pulakng, aku mondapat duitku agatn bunganyo jam.