Matius 25:21 - Porjanjian Boharu Torjomahan Baso Dilakng Soari-ari

²¹ Lalu, habakngnyo nantai bopandir ko io, ‘Boi'am! Kolai hulutn inyo boi' huatan sotia. Obai nantai kolai dapat dipocayo agatn urusan inyo kocit, jadi aku paca'an moonju' kuaso ko kolai pakai' urusan inyo bosar agi'. Mara mansu'. Bosonang-sonang bosamo agatn aku!’

Matius 25:21 ပူးပေါင်းရင်းမြစ်များ

Matius 25:23

Lalu habakngnyo nantai bopandir ko io, ‘Boi'! Kolai hulutn inyo boi' huatan sotia. Obai kolai dapat dipocayo'i agatn urusan inyo kocit, jadi aku paca'an moonju' kuaso ko kolai pakai' urusan inyo bosar. Mara mansu'. Bosonang-sonang bosamo agatn aku!’

Lukas 16:10

Aman urakng ulih dipocayo agatn urusan inyo kotakng kocit, io ulih dipocayo agatn urusan inyo kotakng bosar. Apo aman urakng culih dipocayo agatn urusan inyo kotakng kocit, io pan culih dipocayo agatn urusan inyo kotakng bosar.

Yohanes 12:26

Aman ado urakng inyo honda' molayati-Ku, io gola' tuyut-Ku. Io paca'an ado di tompat inyo samo agatn Aku. Allah Bopai paca'an mohormati sotiap urakng inyo molayati-Ku.

Wahyu 3:21

Boko urakng inyo monang, Aku paca'an moijitan sia' dudu' di tahta-Ku bosamo agatn Aku. Samo sama'an Aku siku' udah monang lalu dudu' di tahta Bopai-Ku momorintah bosamo agatn Sio.

Yohanes 14:3

Lopas Aku botula' monyodia'an tompat pakai' kaitn, Aku paca'an bobali' agi' lalu mombaba' kaitn ko tompat nantai. Aku paca'an molabuhan nantai oca' di mono Aku ado, di santai jam kaitn ado.

Yohanes 17:24

Oi Bopai, mongona'i somuo murid inyo udah Duatn onju' ko aku, kohonda' Ku oca' sia' bosamo agatn Aku, di mono kodiapan-Ku nononyo. Agatn ubo nantai, sia' ulih moniant obai Duatn mombulah Ku monjadi mulia, obai Duatn mongasihi Aku sobolupm dunia ni'in dipulah.

Wahyu 2:10

Jangan gola' biar pan co manah agi' kaitn paca'an ajab sonsaro. Porotiancam, Rajo Sitatn paca'an moncubo mombulah sobagi'an doi' kaitn oca' co pocayo ko aku agi'. Kaitn paca'an ditikapan ko dalapm ponjara lalu didorako'i sopuluh ari manahnyo. Apo kaitn gola' sotia ko aku, biar pan sampai mati. Lalu, Aku paca'an moonji'i ko kaitn kohidupan kokal di sorugo.

Matius 24:45

“Sopo kironyo urakng inyo pintar-corodi' huatan sotia ko Aku? Sio samo sama'an siku' hulutn inyo sotia huatan pintar-corodi'. Habakngnyo moangkat io monjadi kopala' boko hulutn inyo bukai. Habakngnyo moonji'i tanggukng-jawab ko io pakai' bobagian pomakatn ko boko hulutn inyo bukai pado watunyo.

Filipi 1:23

Aku ditari' di antaro koduo hal nantai! Aku honda' moninggalan dunia ni'in lalu diapm bosamo agatn Kristus. Memang nantai lobih boi' bagi ku.

Wahyu 7:17

Nianam koadaan sia' obai Ana' Domba inyo di tongah tahta nantai inyo monjago'i sia' samo sama'an siku' gombala. Sio paca'an moirikan sia' ko sumber ara'i inyo moonji'i kohidupan. Allah paca'an mohapus somuo ara'i mato doi' mato sia'.”

Roma 2:29

Sobali'nyo, urakng inyo bondar-bondar Yahudi ia'an urakng inyo hatinyo bojiwa Yahudi; huatan urakng inyo bondar-bondar disunant ia'an sunant di hati inyo dikorojoan ulih Roh Allah, bukainyo ditulis dalapm buku. Urakng sama'an nian monorima' pujian doi' Allah, bukainyo doi' monsio.

Lukas 12:44

Pasti, habakngnyo paca'an moangkat hulutn nantai agi' sampai io monjadi pongurus somuo kodampuan inyo monjadi umputn habakngnyo.

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”

Matius 24:47

Pasti, habakngnyo paca'an moangkat io agi' monjadi pongurus somuo inyo umputn habakngnyo.

Wahyu 21:7

Sotiap urakng inyo monang paca'an monorima' somuonyo nantai. Aku paca'an monjadi Allahnyo. Sio paca'an monjadi ana'-Ku.

Ibrani 12:2

agatn mato totuju ko Yesus. Obai Sio ia'an sumber kopocaya'an kito. Doi' awal Sio momimpitn kito sampai ahirnyo kopocaya'an kito monjadi sompurna. Sio botahatn mondorita' di kayu salib ongko Sio kinyo tonturian caro komatian nantai momaluan obai Sio ongkah bopikir mongona'i sonang-nyaman inyo tajahan di torima' Sio nononyo. Watu ni'in Sio dudu' di tompat inyo tohormat di sopia' kanan tahta Allah.

2 Korintus 10:18

Obai, urakng inyo bondar-bondar cucu' dipuji ia'an urakng inyo dipuji Tuhatn, bukainyo urakng inyo momuji dirinyo siku'.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

2 Korintus 5:9

Obai somuo nantai, boi' koi hidup damo mati, koi hala bousaha monyonangan hati Tuhatn.

1 Timotius 3:13

Obai urakng inyo molayati jomaat agatn boi' paca'an mongkitn dihormati. Sia' pan paca'an mongkitn borani momboritoan mongona'i kopocaya'an sia' ko Kristus Yesus.