Matius 25:20 - Porjanjian Boharu Torjomahan Baso Dilakng Soari-ari

²⁰ Hulutn inyo monorima' lima' ribu pingkai' duit nantai datakng mombaba' duit lima' ribu pingkai' agi'. Kato-nyo, ‘Habakng, Duatn moonju' lima' ribu pingkai' duit ko aku. Tiat, aku momakai duit nantai pakai' bousaha ongko aku bodapat kountukan lima' ribu pingkai' agi'.’

Matius 25:20 ပူးပေါင်းရင်းမြစ်များ

Matius 18:24

Jadi, io mula'i boriso'i hutakng boko hulutnnyo. Timpu nantai, ado siku' urakng hulutn bisi hutakng sobanya' gajihnyo somanah lima' bolas tohutn. Hulutn nantai dibaba' mohadap rajonyo.

Lukas 19:13

Apo sobolupm botula', io moningkau sopuluh hulutnnyo mompocayoan banyaꞌ duit ko sia', sia' siku'-monyiku' dionji'i sopingka'i duit omas. Katonyo, ‘Pakaicam duit ni'in agatn soboi'-boi'nyo pakai' bousaha pakai' aku, sampai aku pulakng.’

Kisah Boko Rasul 20:24

Apo aku co poduli. Biar pan aku dibunuh, aku totap co poduli. Tuhatn Yesus udah moonji'i tugas ko aku pakai' momboritoan Kabar Boi' obai Allah udah monyatoan koboi'an-Nyo ko monsio. Aku gola' monyolosaian tugasku nantai. Nianam inyo pontikng, bukainyo hidup aku.

1 Korintus 15:10

Apo obai koboi'an hati Allah, Sio udah bulah aku monjadi sama'an watu ni'in. Koboi'an hati inyo Allah udah labuhan nantai kinyo bopasal. Malahan, aku bokorojo koras momboritoan Kabar Boi', lobih koras daripado somuo rasul inyo bukai. Apo sobondarnyo aku kinyo molabuhan nantai agatn kokuatan siku'. Aku mampu molabuhan nantai bayo obai koboi'an hati Allah monyoroto'i aku.

Kolose 1:29

Pakai' nantaiam aku bousaha koras. Aku bousaha agatn sokuat dayo doi' Kristus inyo bokorojo dalapm diriku agatn ponuh kuaso.

Yakobus 2:18

Apo mungkitn ado urakng inyo co sotuju huatan bopandir, “Ado urakng inyo moandalan kopocaya'annyo, huatan ado inyo bukai moandalan porbuatannyo.” Apo aku paca'an monimbas, “Aman kolai co molabuhan porbuatan inyo boi', co mungkitn kolai monunju'an ko aku obai kolai bondar-bondar pocayo! Apo porbuatanku monunju'an ko kolai obai aku bondar-bondar pocayo!”