Matius 25:1 - Porjanjian Boharu Torjomahan Baso Dilakng Soari-ari

¹ “Watu Aku datakng agi', Koraja'an Sorugo samo sama'an kisah ni'in: Ado sopuluh urakng botina' daro inyo botula' ko pogai kawitn pakai' monyambut pongantitn lolaki. Sia' masikng-masikng mombaba' pompolitoannyo.

Matius 25:1 ပူးပေါင်းရင်းမြစ်များ

Matius 13:24

Yesus monyampaian poumpamoan inyo bukai agi' ko sia'. Kato-Nyo, “Koraja'an Sorugo diumpamoan samo sama'an kisah ni'in. Ado siku' potani inyo moabur bonih gandupm inyo boi' di lakaunyo.

Matius 13:31

Yesus, monyampaian suatu poumpamoan bukai agi' ko sia'. Kato-Nyo, “Koraja'an Sorugo soumpamo bigi' sonsabi inyo ditanam di lakaunyo.

Matius 13:38

Lakau nantai monggambaran dunia ni'in. Bonih gandupm inyo boi' nantai monggambaran boko urakng anggota Koraja'an Sorugo. Apo solalakng nantai monggambaran boko urakng inyo pongikut rajo Sitatn.

Matius 13:47

“Koraja'an Sorugo jam samo sama'an kisah ni'in. Boko nolayatn monyingkapan jalo bosar di danau. Jalo nantai bulih bomacapm jonis ikatn.

Matius 20:1

Yesus molajuan pomandiran-Nyo, “Koraja'an Sorugo samo sama'an kisah ni'in. Ado siku' urakng inyo umputn sobidakng kobutn anggur. Sunsukng pukau, io botula' bogoyap boboropo urakng pakai' bokorojo di kobutnnyo nantai.

Matius 22:2

Kato-Nyo, “Koraja'an Sorugo samo sama'an kisah ni'in. Ado siku' urakng rajo inyo moadoan pogai ngawitan ana'nyo.

Matius 25:7

Boko botina' daro nantai huas lalu monyiap'an pompolitoan sia' masikng-masikng.

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Matius 5:16

Porbuatan boi' kaitn samo sama'an torakng. Jadi, kaitn gola' bulah koboi'an di hadapan urakng oca' sia' ulih moniant nantai. Lalu sia' paca'an momuji Allah Bopai kaitn di sorugo.”

Matius 9:15

Timbas Yesus ko sia', “Dalapm poumpamoan ni'in watu pongantitn lolaki ado bosamo agatn pokawalannyo di pogai kawitn, pasti sia' kinyo salu'. Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bolampah.

Yohanes 18:3

Yudas datakng ko santai mombaba' kolompok urakng pakai' monangkap Yesus. Ado boboropo ponjago Rumah Allah inyo disiuh boko imam kopala' huatan boko pomimpitn agama Yahudi doi' kolompok Farisi. Ado jam pasukan tontara Romawi. Kolompok urakng nantai datakng agatn mombaba' obor huatan sonjato.

Yohanes 3:29

Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

Kisah Boko Rasul 20:8

Koi somuo bokumpul di ruakan di tingkat pucu', lantai tigo. Ado banya' pompolitoan inyo bonyalo.

1 Korintus 11:2

Aku momuji kaitn obai kaitn hala moingant aku. Aku pan momuji kaitn obai kaitn hala monuruti boko ajaran inyo komai udah ku sampaian ko kaitn.

2 Korintus 11:2

Osonyo aku ngomburu aman sampai kaitn tuyut urakng bukai. Apo porasa'an ngomburu nantai doi' Allah. Obai, aku honda' kaitn tuyut Kristus ja'am. Kaitn samo sama'an daro inyo udah ku potunangan agatn siku' lolaki, ia'an Kristus. Aku honda' oca' kaitn suci di hadapan-Nyo.

2 Timotius 4:8

Tuhatn udah monyiap'an hadiah inyo bondar ko aku. Sio nantai Hakipm inyo paca'an mohakipi somuo urakng agatn adil. Watu nantai, Sio paca'an moonji'i hadiah nantai pakai' aku huatan somuo urakng inyo rindu Sio datakng bobali' agi' ko dunia ni'in.

Titus 2:13

kapikng kito monantian ari kodatakan Allah inyo Maho Kuaso ongko Ponyolamant kito, Yesus Kristus, ia'an ari inyo kito harapan agatn rindakng-rigah,

Wahyu 14:4

Sia' ia'an boko urakng inyo murni sama'an botina'-daro. Obai, sia' co momporajoan agatn boko botina'. Sia' ia'an boko urakng inyo jumpat Ana' Domba nantai ko mono pan Sio botula'. Jadi, sia' nanam inyo udah ditobus inyo monjadi bagian potamo inyo diposombahan ko Allah huatan Ana' Domba nantai.

Wahyu 19:7

Maracam kito bosonang-sonang huatan bonyanyi-bosair. Pujicam Sio obai ari kawitan Ana' Domba nantai udah watunyoam. Pongantitn-Nyo udah siap.

Wahyu 21:2

Aku pan moniant kota inyo kudus, ia'an Yerusalem inyo boharu. Kota nantai turutn doi' sorugo, doi' Allah. Kota nantai boi' bondar samo sama'an pongantitn botina' inyo borias siap bosandikng agatn pongantitn lolaki.

Wahyu 21:9

Lopas nian, ado salah siku' doi' kotujuh molekat inyo monjujut mangku' inyo bisi agatn kotujuh malopotako toahir nantai. Sio datakng ko aku, lalu bopandir, “Mara! Aku paca'an monunju'an ko kolai Pongantitn Botina', bini Ana' Domba.”

Wahyu 4:5

Ado kilat ongko bunyi guntur solitar inyo koluar doi' tahta di tongah nantai. Di pohadapan tahta nantai ado tujuh obor inyo bonyalo. Nianam kotujuh Roh Allah.

Wahyu 8:10

Molekat inyo kotigo moniup trompetnyo. Watu nantai, ado bintakng bosar inyo bonyalo sama'an obor. Bintakng nantai jatu' doi' langit, moninggakng soportigo doi' somuo sungai huatan mato ara'i.