Matius 24:7 - Porjanjian Boharu Torjomahan Baso Dilakng Soari-ari

⁷ Banso paca'an boparakng molawatn banso bukai. Negara molawatn negara bukai. Di mono-mono paca'an ado kolaparan ongko gompa bumi.

Matius 24:7 ပူးပေါင်းရင်းမြစ်များ

Lukas 21:11

Di mono-mono tajahan ado gompa bumi inyo bosar, lapar-barau, poranggapan rayo. Lalupan paca'an ado boko hal inyo bogola'i. Boko urakng paca'an topogola' moniant boko tando di langit inyo monunju'an dunia ni'in paca'an boahir.

Kisah Boko Rasul 11:28

Salah siku' doi' sia' bodamo Agabus. Timpu, io bodiritn dalapm potomuan boko urakng pocayo. Roh Allah ado momonuhi io. Ongko io boposatn mongona'i lapar-barau inyo paca'an tojadi di soluruh doerah Israel. (Lapar-barau nantai bondar-bondar tojadi watu Klaudius nantai monjadi Kaisar negara Roma).

Kisah Boko Rasul 2:19

Aku pan tajahan bulah boko tando mujisat inyo luar biaso di langit huatan di bumi. Watu nantai paca'an ado darah, api ongko ansap tobal.

Ibrani 12:27

Pomandiran ‘sokali agi'’ monunju'an obai soluruh dunia inyo udah dipulah tajahan diguncakng sampai lolo. Agatn sama'an nian, tajahan tinggal bayo boko hal inyo kinyo ulih toguncakng.

Wahyu 6:12

Lopasnyo, Ana' Domba nantai mombuka' segel koonam. Watu nian, aku moniant, ih, ado gompa bumi inyo bosar. Matoari monjadi hitapm hiru' sama'an pakai'an urakng tongahan bulikng. Bulatn monjadi mirah sama'an darah.

Wahyu 6:5

Lopas nian, Ana' Domba nantai mombuka' segel kotigo. Watu nantai, aku mondinga' mahluk inyo kotigo bopandir, “Hincapm!” Lalu aku moniant, ih, ado siku' kuda hitapm inyo moncumul. Urakng inyo monunggaki kuda nantai monjujut timbakan di jarinyo.

Wahyu 6:6

Aku mondinga' ubo ado bunyi saro di tongah-tongah koompat mahluk nian. Saro nantai bopandir, “Rogo sokilu topukng gandupm monjadi kotakng mahal, samo agatn upah soari ponuh. Rogo tigo kilu topukng sonjoli mudahmo monjadi sorogo upah soari ponuh. Apo jangannam morusa' kobutn buah Jaitun ongko kobutn anggur.”

Wahyu 6:8

Lalu aku moniant, ih, ado siku' kuda hijau kuning. Urakng inyo monunggaki kuda nantai bodamoan Maut huatan koraja'an maut tontuyutannyo. Sia' duo dionji'i kuaso pakai' mombunuh soporompat monsio di bumi. Ado inyo dibunuh agatn podakng, agatn kolaparan, doi' poranggapan, ongko molalu'i boko bonatakng ganas di bumi.