Matius 24:5 - Porjanjian Boharu Torjomahan Baso Dilakng Soari-ari

⁵ Obai banya' urakng paca'an datakng inyo mongaku' dirinyo sama'an ubo Aku. Sia' paca'an bopandir, ‘Aku ninam Rajo Inyo Dijanjian Allah!’ Sia' paca'an mongontumbuki urakng banya'.

Matius 24:5 ပူးပေါင်းရင်းမြစ်များ

Matius 24:11

Banya' nabi palsu paca'an datakng huatan monyosat'an urakng banya'.

Matius 24:24

Obai paca'an ado boko urakng datakng inyo mongaku' obai dirinyo nianam Rajo Inyo Dijanjian Allah. Apo sia' co bondar. Paca'an ado boko nabi palsu jam. Boko rajo palsu huatan boko nabi palsu nantai paca'an bulah bomacapm mujisat jam. Tujuan sia' oca' monyosat'an somuo urakng, huatan soandainyo mungkitn tomansu' boko urakng inyo dipilih Allah jam.

Yohanes 5:43

Aku datakng dalapm damo Bopai-Ku, apo kaitn monula' Ku. Padohal, soandainyo ado urakng bukai inyo datakng bayo mowakili dirinyo siku', kaitn tajahan monorima' io.

Yohanes 8:24

Nantai sobabnyo Aku bopandir ko kaitn obai kaitn paca'an mati di dalapm boko dosa kaitn. Obai, aman kaitn co pocayo Aku ninam Sio Inyo Ado, jadi kaitn paca'an mati di dalapm dosa kaitn.”

Yohanes 8:28

Jadi, Yesus bopandir, “Watu kaitn moninggian ‘Ana' Monsio’, kaitn paca'an tohu obai Aku nanam Sio Inyo Ado nantai. Kaitn paca'an tohu jam obai Aku co bulah la'apo doi' kohonda' diri-Ku siku'. Aku bayo mongatoan lapo inyo diajaran Bopai ko aku.

1 Yohanes 2:18

Poana'anku! Joman ni'in am ari-ari toahir. Kaitn udah mondinga' obai Si Musuh Kristus paca'an datakng. Ongko watu ni'in banya' musuh Kristus udah ado. Ni'inam tandonyo, joman ninam ari-ari toahir.

1 Yohanes 2:22

Sopo kironyo urakng inyo tumbukan nantai? Io nam urakng inyo bopandir obai Yesus bukainyo Rajo Inyo Dijanjian Allah, ia'an Kristus. Urakng inyo bopandir nantaiam musuh Kristus. Io monula' Allah Bopai huatan Yesus Kristus, Ana'-Nyo.

1 Yohanes 4:3

Apo aman urakng nian co moaku'i obai Yesus udah datakng ko dunia ni'in monjadi monsio, rotinyo roh inyo ado di dalapm dirinyo nian kinyo boasal doi' Allah. Roh nianan doi' Musuh Kristus. Kaitn udah mondinga' obai roh Musuh Kristus paca'an datakng. Timpu ni'inan, roh nantai udah ado di dunia ni'inan!

Wahyu 13:8

Io paca'an disombah ulih somuo urakng inyo bodiapm di bumi, ia'an somuo urakng inyo doi' mulo dunia dipulah damonyo co totulis dalapm Buku Kohidupan. Buku nantai umputn Ana' Domba inyo udah disombolih.