Matius 24:46 - Porjanjian Boharu Torjomahan Baso Dilakng Soari-ari

⁴⁶ Aman io molabuhan tugasnyo nantai agatn sotia, watu habakngnyo datakng, hulutn nantai paca'an sonang.

Matius 24:46 ပူးပေါင်းရင်းမြစ်များ

Matius 24:45

“Sopo kironyo urakng inyo pintar-corodi' huatan sotia ko Aku? Sio samo sama'an siku' hulutn inyo sotia huatan pintar-corodi'. Habakngnyo moangkat io monjadi kopala' boko hulutn inyo bukai. Habakngnyo moonji'i tanggukng-jawab ko io pakai' bobagian pomakatn ko boko hulutn inyo bukai pado watunyo.

Matius 24:47

Pasti, habakngnyo paca'an moangkat io agi' monjadi pongurus somuo inyo umputn habakngnyo.

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Lukas 12:37

Boko hulutn inyo siap paca'an sonang-nyaman, biar pan habakngnyo datakng tinggi malapm damo holapm sunsukng. Habakngnyo tajahan sonang agatn sia' obai sia' hala siap monanti kodatakannyo. Dinga'anbo ni'in: Habakng nantai paca'an monggonti pakai'annyo pakai' molayati sia'. Io tajahan monyiuh sia' pakai' dudu' makatn. Lalu io tajahan molayati sia'.

Lukas 12:43

Aman io molabuhan tugasnyo nantai agatn sotia, timpu habakngnyo pulakng, hulutn nantai tajahan sonang-nyaman.

Wahyu 16:15

Boko roh jahat mongumpulan sia' di sobuah tompat. Dalapm baso Ibrani tompat nantai disobut Harmagedon. Apo Tuhatn bopandir, “Pondinga'ancam! Aku datakng samo sama'an urakng pongolit. Sonang-nyamancam urakng inyo hala siap huatan borotian pakai'annyo, oca' io co bojalatn agatn kolanjakng lalu monjadi malu di muka' umum.”

Wahyu 2:19

Aku tohu somuo inyo kaitn labuhan, ia'an kaitn mongasihi urakng bukai, kaitn pocayo ko aku, kaitn bokorojo molayati Aku, kaitn botahatn mohadapi ajab sonsaro. Aku tohu kaitn molabuhan lobih banya' porbuatan boi' watu ni'in daripado komai watu kaitn hoyu' pocayo ko aku.