Matius 24:45 - Porjanjian Boharu Torjomahan Baso Dilakng Soari-ari

⁴⁵ “Sopo kironyo urakng inyo pintar-corodi' huatan sotia ko Aku? Sio samo sama'an siku' hulutn inyo sotia huatan pintar-corodi'. Habakngnyo moangkat io monjadi kopala' boko hulutn inyo bukai. Habakngnyo moonji'i tanggukng-jawab ko io pakai' bobagian pomakatn ko boko hulutn inyo bukai pado watunyo.

Matius 24:45 ပူးပေါင်းရင်းမြစ်များ

Matius 10:16

“Dinga'anbo ni'in! Aku moutus kaitn samo sama'an boko ana' domba ko boko bonatakng ganas. Obai nantai, kaitn gola' corodi' sama'an ular. Apo kaitn pan gola' tulus hati sama'an burukng daro.

Matius 13:52

Lalu Yesus bopandir ko sia', “Obai nantai sotiap guru agama Yahudi inyo monorima' polajaran mongona'i koraja'an sorugo nantai, samo sama'an siku' puku' rumah agatn boko bando barakngnyo. Doi' santai, io mongoluaran kodampuan inyo boharu ongko kodampuan inyo manah.”

Matius 24:46

Aman io molabuhan tugasnyo nantai agatn sotia, watu habakngnyo datakng, hulutn nantai paca'an sonang.

Matius 25:2

Lima' botina' daro inyo budu, huatan lima' inyo pintar-corodi'.

Matius 25:21

Lalu, habakngnyo nantai bopandir ko io, ‘Boi'am! Kolai hulutn inyo boi' huatan sotia. Obai nantai kolai dapat dipocayo agatn urusan inyo kocit, jadi aku paca'an moonju' kuaso ko kolai pakai' urusan inyo bosar agi'. Mara mansu'. Bosonang-sonang bosamo agatn aku!’

Matius 25:23

Lalu habakngnyo nantai bopandir ko io, ‘Boi'! Kolai hulutn inyo boi' huatan sotia. Obai kolai dapat dipocayo'i agatn urusan inyo kocit, jadi aku paca'an moonju' kuaso ko kolai pakai' urusan inyo bosar. Mara mansu'. Bosonang-sonang bosamo agatn aku!’

Matius 7:24

“Jadi, ado urakng inyo paca'an mondinga' pomandiran-Ku ongko molabuhannyo jam. Io samo sama'an urakng inyo pintar-corodi' inyo bulah rumahnyo agatn pondasi di pucu' batu.

Lukas 19:17

Jadi, habakng nantai bopandir, ‘Boi' bondar! Kolai hulutn inyo boi'. Obai kolai suba' dipocayo agatn boko hal inyo kocit, aku moangkat kolai monjadi ponguaso disopuluh kota.’

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

1 Timotius 1:12

Aku bosukur ko Kristus Yesus, Tuhatn inyo bokuaso. Sio hala moonji'i kokuatan ko aku pakai' molayati Sio. Aku bosukur obai Sio moanggap aku sotia. Jadi Sio momilih aku pakai' momboritoan Kabar Boi' mongona'i Sio.

2 Timotius 2:2

Kolai udah mondinga' aku mongajar di hadapan urakng banya'. Jadi, ajarancam ajaran nantai ko boko urakng inyo ulih dipocayo huatan pandai mongajar urakng bukai.

Ibrani 3:5

Musa sotia sobagai polayatn dalapm rumah Allah, ia'an nantai banso Israel. Polayatan Musa monunju'an mongona'i kojadian inyo paca'an diboritoan nononyo.

Wahyu 2:13

Aku tohu obai kota kaitn ia'an tompat tahta Rajo Sitatn. Apo kaitn totap sotia ko aku. Somadikan Antipas momboritoan mongona'i Aku agatn sotia. Sio dibunuh di kota kaitn, ia'an nantai kota tompat kodiapan Rajo Sitatn. Biar pan ubo nantai, watu nantai kaitn totap moaku'i obai kaitn pocayo ko Aku.