Matius 24:44 - Porjanjian Boharu Torjomahan Baso Dilakng Soari-ari

⁴⁴ Samo sama'an nantai jam, Ana' Monsio paca'an datakng co kotohuan. Jadi, kaitn gola' hala bososiap pakai' kodatakan-Nyo.”

Matius 24:44 ပူးပေါင်းရင်းမြစ်များ

Matius 24:27

Obai watu Ana' Monsio bobali' ko dunia ni'in, somuo urakng ulih moniant kodatakan nantai agatn jolas. Samo sama'an kilat momanjah doi' timur huatan bosinar sampai ko barat. Ubo nianam kodatakan ‘Ana' Monsio.’

Matius 24:42

Obai nantaiam, bojojagocam! Kaitn co tohu sombilo Tuhatn kolai datakng.

Matius 24:43

Porhatiancam ni'in: siku' urakng pongolit datakng watu malapm co dikotohu'i. Aman puku' rumah udah tohu sombilo pongolit nantai datakng, pasti io bojojago oca' pongolit kinyo mansu'.

Matius 25:10

Lalu boko botina' daro inyo budu nantai botula' momboli minya'. Apo, tongahan sia' bojalatn, pongantitn lolaki nantai datakam. Kolima' botina' inyo udah siap ulih mansu' ko pogai kawitn nantai bosamo-samo agatn pongantitn lolaki. Lalu, lawakng ditutupam.

Matius 25:13

Ubo nian jam paca'an tojadi agatn boko urakng inyo kinyo siap watu Aku datakng agi'. Obai nantai, bojago-jagocam, obai kaitn co tohu ari damo japmnyo.”

Lukas 12:39

Kaitn gola' hala siap pakai' kodatakan Ana' Monsio bobali' ko dunia ni'in, obai Ana' Monsio tajahan bobali' pas watu inyo kinyo dikotohu'i. Samo ubo siku' urakng pongolit datakng timpu inyo kinyo dikotohu'i. Aman urakng umputn rumah udah tohu sombilo pongolit datakng, pasti io monjagonyo oca' pongolit kinyo ulih mansu'.”

Lukas 21:36

Jadi, kaitn gola' hala monjago diri. Bodoacam oca' kaitn totap pocayo ko Allah, watu kaitn mohadapi ajab sonsaro inyo co manah agi' tajahan tojadi. Lalu kaitn paca'an tenang watu Ana' Monsio bobali' ko dunia ni'in, moadili somuo urakng am.”

Filipi 4:5

Honda'nyo somuo urakng ulih moniant sikap kaitn inyo boi' hati. Ingant! Tuhatn Yesus kinyo manah agi' datakng am.

Yakobus 5:9

Boko somadikan, aman kaitn hala bosungunt huatan hala monyalahan, jadi kaitn paca'an dihukupm. Jadi, jangannam molabuhannyo nantai. Jangan sampai tongkolupatn, Sio inyo monjadi Hakipm somuo monsio paca'an oca' datakng.

Wahyu 19:7

Maracam kito bosonang-sonang huatan bonyanyi-bosair. Pujicam Sio obai ari kawitan Ana' Domba nantai udah watunyoam. Pongantitn-Nyo udah siap.