Matius 24:36 - Porjanjian Boharu Torjomahan Baso Dilakng Soari-ari

³⁶ Apo co nyiant urakng inyo mongotohu'i ari damo japmAku datakng agi'. Boko molekat di sorugo kinyo tohu huatan Ana' Allah, pan kinyo tohu jam. Ongkah Allah Bopai mo inyo tohu.”

Matius 24:36 ပူးပေါင်းရင်းမြစ်များ

Matius 24:42

Obai nantaiam, bojojagocam! Kaitn co tohu sombilo Tuhatn kolai datakng.

Matius 24:44

Samo sama'an nantai jam, Ana' Monsio paca'an datakng co kotohuan. Jadi, kaitn gola' hala bososiap pakai' kodatakan-Nyo.”

Matius 25:13

Ubo nian jam paca'an tojadi agatn boko urakng inyo kinyo siap watu Aku datakng agi'. Obai nantai, bojago-jagocam, obai kaitn co tohu ari damo japmnyo.”

Markus 13:32

Apo conyiant ado urakng inyo mongotohu'i ari huatan japmnyo. Boko molekat di sorugo kinyo tohu agatn Ana' pan kinyo tohu jam. Ongkah Bopai di sorugo am inyo tohu.”

Kisah Boko Rasul 1:7

Sio bopandir, “Allah Bopai udah monotap'an watunyo. Nantai hak Sio siku'. Kaitn co pontikng mongotohu'i watunyo.

2 Petrus 3:10

Tuhatn pasti datakng huatan kodatakan-Nyo nantai samo sama'an pongolit. Kinyo ado urakng inyo tohu arinyo. Pado ari nantai paca'an ado bunyi inyo hebat huatan co paca'an ado langit agi'. Somuo hal inyo ado di langit paca'an lobur tocucul. Bumi huatan somuo hal inyo ado di dalapmnyo paca'an hilakng lonyap jam.

Wahyu 16:15

Boko roh jahat mongumpulan sia' di sobuah tompat. Dalapm baso Ibrani tompat nantai disobut Harmagedon. Apo Tuhatn bopandir, “Pondinga'ancam! Aku datakng samo sama'an urakng pongolit. Sonang-nyamancam urakng inyo hala siap huatan borotian pakai'annyo, oca' io co bojalatn agatn kolanjakng lalu monjadi malu di muka' umum.”

Wahyu 3:3

Jadi, ingantcam ajaran inyo kaitn dinga' ongko torima' komai. Taat'icam nantai. Tongga'ancam kaitn bulah boko dosa lalu hidup monyonangan hati Allah. Aman kaitn co bojojago, Aku paca'an datakng mohukupm kaitn. Kaitn nononyo co kalo mongotohu'i sombilo watunyo Aku datakng samo sama'an siku' urakng pongolit.