Matius 24:24 - Porjanjian Boharu Torjomahan Baso Dilakng Soari-ari

²⁴ Obai paca'an ado boko urakng datakng inyo mongaku' obai dirinyo nianam Rajo Inyo Dijanjian Allah. Apo sia' co bondar. Paca'an ado boko nabi palsu jam. Boko rajo palsu huatan boko nabi palsu nantai paca'an bulah bomacapm mujisat jam. Tujuan sia' oca' monyosat'an somuo urakng, huatan soandainyo mungkitn tomansu' boko urakng inyo dipilih Allah jam.

Matius 24:24 ပူးပေါင်းရင်းမြစ်များ

Markus 13:22

Obai, tajahan ado boko urakng datakng inyo ngaku' dirinyo nantai Rajo Inyo Dijanjian Allah. Apo sia' kinyo bondar. Tajahan ado boko nabi palsu jam. Boko rajo palsu agatn boko nabi palsu nantai tajahan mombulah somuo macapm mujisat pakai' mombulah urakng monjadi sosat. Soumpamonyo mungkitn sia' pan honda' mombulah boko urakng inyo dipilih Allah monjadi sosat jam.

Matius 24:11

Banya' nabi palsu paca'an datakng huatan monyosat'an urakng banya'.

Matius 7:15

“Boboi'cam tohadap boko nabi palsu. Sia' pompadah boi' apo tujuan sia' jahat. Sia' samo sama'an payau ganas inyo datakng monyamar sama'an domba.

Matius 24:5

Obai banya' urakng paca'an datakng inyo mongaku' dirinyo sama'an ubo Aku. Sia' paca'an bopandir, ‘Aku ninam Rajo Inyo Dijanjian Allah!’ Sia' paca'an mongontumbuki urakng banya'.

2 Petrus 3:17

Apo kaitn, boko somadikan inyo ku kasihi, kaitn udah mongotohu'i mongona'i hal nantai. Jadi, bojojagocam tohadap boko urakng nantai inyo kinyo honda' hidup sosuai agatn porintah Allah. Jangan sampai sia' mombulah kaitn pocayo ajaran inyo salah sampai kaitn kinyo agi' pocayo kuat ko Yesus Kristus.

Wahyu 19:20

Bonatakng nantai ditangkap bosamo-samo agatn nabi palsu nantai, ia'an io inyo bulah boko mujisat nantai di hadapan mato bonatakng nantai. Agatn boko mujisat nantai, io monipu boko urakng inyo ado tando bonatakng nantai, boko urakng inyo monyombah lompatukng bonatakng nantai. Jadi, bonatakng huatan nabi palsu nantai dibuakan hidup-hidup ko dalapm loutan api inyo tongahan bonyalo agatn bolerang.

1 Yohanes 5:18

Kito tohu obai somuo urakng inyo monjadi poana'an Allah, sia' co hidup dalapm dosa. Sia' dilinduki Ana' Allah, ia'an Yesus Kristus. Rajo Sitatn kinyo ulih bulah la'apo pan agatn sia'.

2 Timotius 2:19

Apo Allah bulah pondasi inyo kuat, inyo kinyo toguyakng. Di pucu' pondasi nantai totulis, “Tuhatn mongonal boko urakng inyo bondar-bondar umputn Sio,” huatan “Urakng inyo bopandir aman io nantai umputn Allah, urakng nantai gola' botongga' molabuhan inyo jahat.”

Yohanes 6:39

Ninam kohonda' Sio inyo udah moutus Aku: ia'an oca' somuo urakng inyo dionju' ko aku paca'an Ku hidupan agi' di ahir joman. Jangan ado siku' pan urakng doi' sia' inyo kinyo solamant.

Yohanes 6:37

Apo, somuo urakng inyo Allah Bopai-Ku onju' ko Aku, sia' paca'an datakng ko aku. Somuo urakng inyo datakng ko aku, sia' kinyo paca'an Aku tula'.

1 Petrus 1:5

Obai kaitn pocayo ko Yesus, jadi Allah molinduki kaitn agatn kuaso-Nyo oca' kaitn ulih disolamant'an. Kosolamant'an kaitn nantai udah siap ditunju'an Allah watu ahir joman nononyo.

Galatia 4:15

Timpu nantai, kaitn mooso diborokati. Aku yakitn kaitn siap monulukng aku agatn caro la'apo pan. Kaitn pan siap moncungkil mato kaitn siku' ongko moonju' ko aku aman soandainyo hal nantai ulih monulukng aku. Apo ni'in kaitn mooso kinyo sonang agatn aku.

Roma 12:18

Sodapat-dapatnyo aman nantai bogantukng doi' diri kolai siku' bousahacam pakai' hidup damai agatn somuo urakng.

Kisah Boko Rasul 20:16

Doi' pulau Samos ko kota Miletus, koi kinyo singgah di kota Efesus. Paulus udah momutusan nantai. Io co honda' tolalu manah di propinsi Asia obai io honda' hagar tuntukng ko Yerusalem. Aman ulih, io honda' ado di su'utn pado ari rayo Pentakosta.

Matius 22:14

Lalu Yesus monuntukan kisah-Nyo nantai agatn bopandir, “Banya' urakng inyo ditingkau pakai' monjadi warga Koraja'an-Nyo, apo bayo sodikit mo inyo topilih.”

Matius 24:22

Soandainyo, watu nantai co dipulah lobih copat, lalu co nyiant siku' urakng pan inyo botahatn hidup. Apo obai boko urakng inyo dipilih Allah, watu nantai dipulah lobih copat.

Matius 24:25

Porotiancam! Aku udah momadahannyo ko kaitn mongona'i boko hal ni'in sobolupm tojadi.

Matius 24:31

Sio paca'an moutus boko molekat-Nyo agatn bunyi trompet inyo kotakng borakng. Boko molekat nantai paca'an mongumpulan boko urakng inyo dipilih Allah doi' hujukng timur sampai ko hujukng barat, huatan doi' hujukng utara sampai ko hujukng solatatn.”

Lukas 18:7

Jadi, pasti Allah inyo boi' bulah koputusan inyo adil pakai' urakng pilihan-Nyo inyo bodoa ko Sio siakng malapm. Pasti Sio tajahan co kalo landai monulukng sia'.

Yohanes 4:48

Kato Yesus ko io, “Kaitn bayo pocayo ko Aku aman kaitn moniant mujisat.”

1 Yohanes 2:18

Poana'anku! Joman ni'in am ari-ari toahir. Kaitn udah mondinga' obai Si Musuh Kristus paca'an datakng. Ongko watu ni'in banya' musuh Kristus udah ado. Ni'inam tandonyo, joman ninam ari-ari toahir.

1 Yohanes 2:22

Sopo kironyo urakng inyo tumbukan nantai? Io nam urakng inyo bopandir obai Yesus bukainyo Rajo Inyo Dijanjian Allah, ia'an Kristus. Urakng inyo bopandir nantaiam musuh Kristus. Io monula' Allah Bopai huatan Yesus Kristus, Ana'-Nyo.