Matius 24:21 - Porjanjian Boharu Torjomahan Baso Dilakng Soari-ari

²¹ Obai watu boko ari nantai paca'an tojadi ajab sonsaro inyo kotakng borat. Ajab sonsaro ubo nantai bolupm kalo tojadi tangga'i asal mulo dunia sampai ni'in huatan co kalo paca'an tojadi agi'.

Matius 24:21 ပူးပေါင်းရင်းမြစ်များ

Matius 24:20

Bodoacam oca' watu kaitn morarian diri, nantai kinyo kona' watu musipm dingin damo ari Sabat.

Matius 24:29

“Kinyo manah lopas watu ajab sonsaro nantai, matoari paca'an monjadi golap. Bulatn kinyo paca'an borandai agi'. Boko bintakng paca'an jatu' doi' langit. Huatan boko ponguaso di langit paca'an boguyakng.

Markus 13:9

Kaitn gola' boboi' obai kaitn tajahan ditangkap lalu dibaba' ko sidakng pomimpitn agama pakai' dipokaroan. Kaitn tajahan dipoduda'an diboko rumah sombayakng. Obai kaitn nantai murid-Ku, obai nianam kaitn tajahan dibaba' ko boko ponguaso huatan ko boko rajo pakai' dipokaroan jam. Apo, nianam watunyo pakai' kaitn bosasi mongona'i Aku.

Lukas 21:24

Ado inyo paca'an dibunuh agatn podakng. Ado jam inyo tajahan ditangkap ongko dibaba' ko boko nogori bukai, monjadi tahatan di su'utn. Boko banso inyo bukainyo Yahudi tajahan monguaso'i tanah kota Yerusalem sampai watunyo inyo udah ditontuan Allah.”

1 Tesalonika 2:16

obai sia' bousaha monongga'an koi oca' co momboritoan Kabar Boi' ko urakng inyo bukainyo urakng Yahudi. Sia' kinyo honda' kaitn inyo bukainyo urakng Yahudi disolamant'an! Agatn boko porbuatan nantai, sia' torus-monorus monambah dosa sia' udah langkukng-lalu ongko. Ni'in, koponsuahannyo Allah pan godi. Pasti sia' paca'an dihukupm kotakng borat.

Wahyu 16:18

Lalu ado kilat momanjah, bunyi guntur inyo borakng, huatan gompa bumi inyo luar biaso. Doi' mulo monsio ado di bumi, co kalo ado gompa bumi inyo sama'an nantai. Gompa bumi nantai kotakng luar biaso.

Wahyu 7:14

Aku bopandir ko io, “Aku cuku tohu, habakng. Duatn mongotohu'inyo.” Jadi io bopandir ko aku, “Sia' ni'inam boko urakng inyo koluar doi' masa ajab sonsaro inyo bosar. Sia' udah bulah jubah sia' monjadi putih, monopasinyo agatn darah Ana' Domba.