Matius 23:9 - Porjanjian Boharu Torjomahan Baso Dilakng Soari-ari

⁹ Jangan kaitn moningkau siku' pan di dunia ni'in ‘Bopai’. Obai, kaitn bayo ado siku' mo Bopai, ia'an Allah Bopai inyo di sorugo.

Matius 23:9 ပူးပေါင်းရင်းမြစ်များ

1 Yohanes 3:1

Porotianbo, kotakan bosar kasih Allah Bopai ko kito, obai nantai kito disobut poana'an-Nyo! Memang sobondarnyo kito ninam poana'an Allah. Obai, boko urakng di dunia ni'in co mongonal kito obai dunia co mongonal Sio.

Ibrani 12:9

Porotian jam, bopai kito di dunia ni'in momantu kito ongko kito morogo'i sia'. Aman sama'an nian, kito gola' lobih agi' ‘tundu'’ ko Bopai kito di sorugo oca' kito ulih bondar-bondar hidup.

Matius 7:11

Sodakan kaitn urakng jahat tohu moonji'i inyo boi' ko ana' kaitn. Apotolagi' Allah Bopai di sorugo! Sio paca'an moonji'i inyo boi' ko sia' inyo mominto ko Sio.”

1 Korintus 4:15

Biar pan kaitn ado boribuan urakng inyo mombimbikng kaitn pakai' jumpat Kristus, apo co nyiant urakng inyo samo sama'an Bopai kaitn. Ongkah aku inyo monjadi Bopai kaitn obai aku ninam urakng potamo inyo momboritoan ko kaitn Kabar Boi' mongona'i Kristus Yesus.

2 Korintus 6:18

Aku tajahan monjadi Bopai kaitn. Kaitn tajahan monjadi boko ana'-Ku, inyo lolaki huatan botina'.” Sama'an nianam pomandiran Tuhatn Allah, Inyo Kotakan bokuaso.

Kisah Boko Rasul 22:1

Kato Paulus, “Boko somadikan huatan boko pombopaian, dinga'anku bo. Aku honda' bopandir ko kaitn pakai' mombela diri siku'.”

Matius 6:32

Boko urakng inyo kinyo konal Allah hala bogoyap somuonyo nantai. Apo Allah Bopai kaitn di sorugo udah tohu somuo kopontikan kaitn nantai.

Matius 23:10

Jangan jam kaitn honda' ditingkau ‘Pomimpitn’. Obai, kaitn bayo ado siku' Pomimpitn mo, ia'an Rajo Inyo Dijanjian Allah.