Matius 23:8 - Porjanjian Boharu Torjomahan Baso Dilakng Soari-ari

⁸ Apo jangan kaitn gala' disobut ‘Guru’. Obai, kaitn bayo ado siku' mo ‘Guru’, ia'an Aku. Huatan kaitn somuo somadikan.

Matius 23:8 ပူးပေါင်းရင်းမြစ်များ

Matius 10:25

Udah cukup aman siku' urakng murid monjadi samo sama'an gurunyo huatan siku' urakng hulutn monjadi samo sama'an habakngnyo. Aku ni'in pomimpitn kaitn huatan sia' udah moningkau Aku sobagai Rajo Sitatn. Jadi, pasti paca'an mompolakuan kaitn agatn lobih jahat agi'!.”

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Matius 23:10

Jangan jam kaitn honda' ditingkau ‘Pomimpitn’. Obai, kaitn bayo ado siku' Pomimpitn mo, ia'an Rajo Inyo Dijanjian Allah.

Matius 23:7

Di pasar, sia' gala' urakng bukai monyalapi agatn hormat ko sia'. Sia' jam gala' urakng mohormati agatn moningkau sia' ‘Guru’.

Matius 26:25

Lalu, Yudas, urakng inyo paca'an monjual Yesus, io bopandir, “Pasti bukainyo aku, oi Guru?” Timbas Yesus, “Ubo nanam kato kolai.”

Matius 26:49

Jadi, pas rombokannyo datakam, Yudas lansukng mondataki Yesus. Katonyo, “Salapm, Guru!” Lalu, Yudas monciupm Sio.

Markus 10:51

Yesus botakutn ko io, “La'apo inyo kulo kohonda'i Aku labuhan pakai' kulo?” Timbas io, “Guru, aku honda' moniant!”

Markus 11:21

Petrus toingant lapo inyo tojadi somaman. Obai nantaiam, io bopandir ko Yesus, “Guru, tiatbo! Batakng kayu ara inyo Duatn sumpah nantai udah mati!”

Markus 14:45

Jadi, watu Yudas ongko rombokan datakng di santai, Yudas lansukng mohampiki Yesus. Katonyo, “Salapm, Guru!” Lalu, Yudas monciupm Sio.

Markus 9:5

Kato Petrus ko Yesus, “Guru, kotakng boi' bondar kito di si'itn. Aman Duatn honda', biaram koi moninjakan tigo buah ntirukng di si'itn, sobuah pakai' Duatn, sobuah pakai' nabi Musa, sobuah pakai' nabi Elia.”

Lukas 22:32

Apo Aku udah bodoa pakai' kolai, Simon, oca' kolai totap pocayo ko Aku. Watu kolai bobali' sotia agatn Aku, kolai gola' monguat'an iman boko somadikan kolai, ia'an boko murid-Ku.”

Yohanes 1:38

Yesus mongilikng ko bolikat, moniant sia' tuyut Sio. Kato-Nyo ko sia', “Kaitn bogoyap la'apo?” Kato sia' ko Sio, “Rabi, Duatn diapm di mono?” ‘Rabi’ rotinyo ‘Guru’.

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 11:8

Kato sia', “Guru, bolupm manah boko urakng Yahudi di suntai honda' monikapm Duatn agatn batu. Mapo Duatn ija' honda' bobali' kosu'utan?”

Yohanes 20:16

Lalu, kato Yesus ko io, “Maria!” Maria mongilikng, lalu sadar nantai Yesus. Katonyo, “Rabuni!” (Dalapm baso Ibrani rotinyo “Guru”.)

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Yohanes 3:26

Jadi, sia' datakng ko Yohanes. Kato sia' ko io, “Guru, ija' ingant cadoai Urakng nantai inyo bosamo agatn duatn di soborakng Sungai Yordan, ia'an Sio inyo duatn padahan. Porotian cam. Ni'in, Sio mombaptis jam. Somuo urakng monuju ko Sio.”

Yohanes 4:31

Watu nantai, boko murid Yesus minto oca' Sio makatn. Kato Sia', “Guru, makatn cam.”

Yohanes 6:25

Pas urakng banya' nantai botomu Yesus di soborakng danau, sia' botakutn ko Sio. Kato sia', “Guru sombilo Duatn tuntukng ko sintai?”

Yohanes 9:2

Boko murid-Nyo botakutn ko Sio, “Guru, sopo inyo bulah dosa sampai urakng ni'in dilahiran buto? Kata'an nantai obai dosa urakng ni'in siku'ai, kata'an obai dosa urakng tuhonyo ai?”

2 Korintus 1:24

Aku co bomasud obai koi honda' momoso lapo inyo gola' kaitn pocayo. Obai, koi tohu kaitn pocayo agatn kuat ko Kristus. Apo, inyo ku masud ia'an koi honda' bokorojo samo oca' bulah kaitn bondar-bondar sonang-nyaman.

2 Korintus 4:5

Obai bukainyo diri koi siku' inyo koi boritoan. Apo, koi momboritoan mongona'i Yesus Kristus sobagai Tuhatn. Sio inyo moutus koi pakai' monjadi polayatn kaitn.

Efesus 3:15

Sio ia'an Bopai sotiap koluarga di sorugo ongko di bumi. Obai, somuo kito ado ongkah obai Sio nam.

Filemon 1:16

Masud ku, io bukainyo bayo pacal kolai. Io lobih doi' nantai. Watu ni'in, io nam somadikan soiman inyo tokasih. Aku udah mongasihi io. Nononyo kolai pan gola' mongasihi io lobih doi' nantai agi', obai io nam pacal kolai huatan obai kaitn somadikan di dalapm Tuhatn.

Yakobus 3:1

Boko somadikanku, kaitn udah tohu obai Allah paca'an mohakipi somuo urakng. Apo, boko guru inyo mongajar mongona'i Allah paca'an dihakipi agatn ukuran inyo lobih borat daripado urakng bukai. Obai nianam, jangan banya' doi' antaro kaitn inyo honda' monjadi guru.

1 Petrus 5:3

Jangan buhau botindak ubo rajo, tohadap sia' inyo dipocayo'i Allah pakai' kaitn. Apo, kaitn gola' monjadi toladatn sia'.

Wahyu 1:9

Aku, Yohanes, somadikan kaitn inyo sonasib agatn kaitn, inyo bosamo ajab sonsaro agatn warga Koraja'an Allah, huatan bosamo botahatn mohadapi ajab sonsaro kapikng monantian Yesus. Aku udah momboritoan Pomandiran doi' Allah ongko boko hal inyo Yesus padahan ko aku. Obai nantaiam, aku dibuakan ko sobuah pulau inyo bodamoan Patmos.

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”

Wahyu 22:9

Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai ongko boko somadikan kolai boko nabi ongko somuo urakng inyo monuruti somuo posatn dalapm buku ni'in. Sombah Allah aja'am.”