Matius 23:37 - Porjanjian Boharu Torjomahan Baso Dilakng Soari-ari

³⁷ Lalu Yesus bopandir agatn salu', “Oi, boko urakng Yerusalem. Kaitn mombunuh boko nabi. Allah moutus boko urakng ko kaitn, apo kaitn monikapm sia' agatn batu sampai mati. Aku honda' hala molinduki kaitn, samo sama'an indai manu' inyo molinduki poana'annyo di babah sayapnyo. Apo, bolai' kaitn.

Matius 23:37 ပူးပေါင်းရင်းမြစ်များ

Matius 23:30

Kaitn bopandir, ‘Soumpamonyo koi hidup di joman angki-bayatn koi komai, pasti koi co jumpat agatn sia' mombunuh boko nabi nantai.’

Matius 22:3

Rajo nantai monyiuh boko hulutnnyo oca' moningkau boko urakng inyo dihundakng boko hulutnnyo, inyo bukai. Katonyo boko urakng inyo dihundakng ko pogai nantai kinyo honda' datakng.

Matius 5:12

Joman komai, boko nabi Allah pan dipoulahan sama'an nantai jam. Jadi, rindakng-rigahcam obai kaitn paca'an bodapat upah bosar di sorugo!”

1 Tesalonika 2:15

Ia'an, boko urakng Yahudi inyo molawatn Tuhatn Yesus sampai Sio dihukupm mati. Sia' jam inyo mombunuh boko nabi timpu joman komai huatan sia' jam mondorako'i koi. Sia' udah mombulah Allah kinyo sonang. Sia' jam momusuhi somuo urakng,

Matius 22:6

Malahan ado inyo bukai sampai monangkap boko hulutn rajo nantai. Sia' mondorako'i huatan mombunuh boko hulutn nantai.

Wahyu 17:6

Aku moniant botina' nantai komabu'an obai minum darah boko urakng kudus, ia'an boko urakng inyo dibunuh obai sia' momboritoan mongona'i Yesus. Pas aku moniant botina' nantai, aku kotakan hiratn.

Lukas 15:28

Ana' inyo kojula'an nantai tomaho godi bondar sampai io bolai' mansu' ko rumah. Ongko bopainyo koluar pakai' mongkongkanti'i oca' io mansu'.

Matius 23:31

Apo rotinyo kaitn siku' moaku'i obai kaitn niannam koturutan boko urakng inyo mombunuh boko nabi!