Matius 23:35 - Porjanjian Boharu Torjomahan Baso Dilakng Soari-ari

³⁵ Obai nantaiam, kaitn paca'an monanggukng hukupan obai pombunuhan somuo urakng inyo co nyiant kosalahannyo, mula'i doi' pombunuhan Habel sampai ko pombunuhan nabi Zakharia, ana' Berekhya. Obai kaitn siku' udah mombunuh nabi Zakharia di antaro mesbah huatan Rumah Allah.

Matius 23:35 ပူးပေါင်းရင်းမြစ်များ

Ibrani 11:4

Obai Habel pocayo, jadi io momposombahan ko Allah kurbatn inyo lobih boi' tangga'i kurbatn inyo diposombahan Kain. Kopocaya'an Habel monunju'an io ia'an urakng inyo bondar di hadapan Allah. Obai, Allah monorima' posombahannyo. Biar pan Habel udah mati, io sama'annyo ija' bopandir ko kito obai io monjadi toladatn urakng inyo pocayo.

Wahyu 18:24

(Kota nantai dihukupm obai io mombunuh boko nabi huatan boko urakng umant husus umputn Allah. Darah sia' huatan darah doi' somuo urakng inyo dibunuh di bumi kotomuan di dalapm io.)

Ibrani 12:24

Kaitn datakng mohadap Yesus inyo monjadi Porontaro inyo moadoan pojanjian boharu inyo Allah pulah agatn monsio, ongko ko darah-Nyo inyo momborosihi kaitn doi' dosa. Darah nantai bopandir mongona'i lou' inyo lobih boi' daripado darah Habel.

Lukas 11:51

mula'i doi' mombunuh Habel sampai mombunuh Nabi Zakharia inyo tojadi di antaro mesbah; tompat monyorahan posombahan huatan Rumah Allah. Porotian, boko urakng joman ni'in pasti tajahan dihukupm obai somuonyo nantai.”

Kisah Boko Rasul 5:28

“Koi udah morarakng kaitn agatn koras oca' kinyo dilabuhan agi' mongajar ajaran Urakng Nazaret nantai. Apo kaitn kinyo monuruti porintah nantai. Obai nantai, somuo urakng di Yerusalem udah mondinga' ajaran kaitn. Kaitn pan honda' monyalahan koi obai komatian Urakng Nazaret nantai.”