Matius 23:34 - Porjanjian Boharu Torjomahan Baso Dilakng Soari-ari

³⁴ Pondinga'anbo! Aku moutus ko kaitn boko nabi, boko urakng pintar-corodi', huatan boko guru inyo moajaran Pomandiran Allah. Ado doi' sia' inyo paca'an kaitn bunuh. Sobagi'an doi' sia' paca'an kaitn hukupm mati di kayu salib. Inyo bukai paca'an kaitn sipat di boko rumah sombayakng kaitn. Inyo bukai agi' paca'an kaitn dorako'i doi' kota ko kota.

Matius 23:34 ပူးပေါင်းရင်းမြစ်များ

Matius 13:52

Lalu Yesus bopandir ko sia', “Obai nantai sotiap guru agama Yahudi inyo monorima' polajaran mongona'i koraja'an sorugo nantai, samo sama'an siku' puku' rumah agatn boko bando barakngnyo. Doi' santai, io mongoluaran kodampuan inyo boharu ongko kodampuan inyo manah.”

Kolose 1:28

Kristus nantaiam inyo koi boritoan watu koi momakai somuo kopintar-corodi'an pakai' monosihat'i huatan mongajar sotiap urakng. Tujuannyo oca' koi ulih mombaba' sotiap urakng ko Allah dalapm koadaan suci obai bosatu agatn Kristus.

Kisah Boko Rasul 13:1

Di antaro boko urakng inyo pocayo Yesus di Antiokhia, ado boko nabi inyo monyampaian posatn Allah huatan boko pongajar inyo mongajar mongona'i Yesus. Sia' nantai Barnabas, Simeon (inyo jam disobut ‘Urakng Hitapm’), Lukius (inyo boasal doi' kota Kirene), Manahem (inyo dibosaran bososamo agatn Gubernur Herodes), ongko Saulus.

Matius 10:23

Aman kaitn didorako'i di sobuah kota, raricam ko kota inyo bukai. Dinga'anbo! Kaitn co paca'an jadi mondataki somuo kota di tanah Israel nantai sobolupm Ana' Monsio datakng.

Wahyu 11:10

Somanah koduo nabi nantai ija' hidup, sia' duo bulah boko urakng di bumi kotakng ajab sonsaro. Obai nantai, boko urakng di bumi kotakng rindakng obai komatian sia'. Boko urakng bopogai, huatan sosamo bokiripm hadiah pakai' morayaan poristiwa nantai.

Ibrani 11:37

Sia' ditikapm agatn batu sampai mati, ado inyo disayat agatn gorgaji, ongko inyo dibunuh agatn podakng. Ado inyo kinyo ado kodiapan huatan bayo bopakaian inyo dipulah doi' kulit domba damo kulit kambikng. Sia' jaro, bouyuh-bojorih ongko didorako'i.

1 Korintus 3:10

Obai koboi'an Allah ko aku, Sio mombulah aku monjadi samo sama'an sikuꞌ tukakng bangunan inyo pandai. Aku inyo molota'an pondasi bangunan nantai, sodakan watu ni'in ado urakng bukai inyo mombangun di pucu' pondasi nantai. Apo sotiap urakng nantai gola' gogamant agatn caro io mombangun.

1 Korintus 2:6

Apo di antaro boko urakng inyo bondar-bondar pocayo ko Yesus, koi memang mongajar mongona'i kopintar-corodi'an. Apo kopintar-corodi'an bukainyo doi' kopintar-corodi'an monsio di dunia ni'in, bukainyo doi' kopintar-corodi'an boko pomimpitn di dunia ni'in. Sia' paca'an dibonasoan.

Kisah Boko Rasul 15:32

Yudas ongko Silas kododuo sia' nabi jam. Jadi, sia' opat monosihat'i boko somadikan di su'utn. Yudas ongko Silas monulukng boko somadikan oca' pocayo ko Yesus lobih kuat.

Kisah Boko Rasul 14:19

Lopas nian boboropo urakng Yahudi doi' Antiokhia huatan Ikonium datakng ko santai. Sia' moyakit'an banya' urakng di kota Listra nantai oca' kinyo pocayo agatn pomandiran Paulus. Ongko sia' monikapm Paulus agatn batu pakai' mombunuh io. Watu sia' bopikir Paulus udah mati, sia' mombuakan bukakngnyo ko luar kota nantai.

Kisah Boko Rasul 12:2

Io monyiuh oca' Rasul Yakobus anci' Rasul Yohanes dibunuh pakai podakng.

Kisah Boko Rasul 11:27

Di kota Yerusalem ado boko nabi inyo monyampaian posatn Allah ko boko urakng inyo pocayo Yesus. Pado watu Barnabas ongko Saulus ado di Antiokhia, boboropo doi' nabi nantai datakng.

Kisah Boko Rasul 5:40

Sia' monyiuh oca' boko rasul nantai dibaba' bobali' mansu' ongko dipodularan. Lopas nantai, sia' morarakng boko rasul nantai pakai' moajaran ajaran inyo Yesus sampaian ko sia'. Ongko boko rasul nantai dilopasan.

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Yohanes 20:21

Sokali agi', Yesus bopandir ko sia', “Sonang-asau pakai' kaitn!” Samo sama'an Bopai-Ku moutus Aku, ubo nian jam Aku moutus kaitn.

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

1 Tesalonika 2:16

obai sia' bousaha monongga'an koi oca' co momboritoan Kabar Boi' ko urakng inyo bukainyo urakng Yahudi. Sia' kinyo honda' kaitn inyo bukainyo urakng Yahudi disolamant'an! Agatn boko porbuatan nantai, sia' torus-monorus monambah dosa sia' udah langkukng-lalu ongko. Ni'in, koponsuahannyo Allah pan godi. Pasti sia' paca'an dihukupm kotakng borat.

Matius 23:31

Apo rotinyo kaitn siku' moaku'i obai kaitn niannam koturutan boko urakng inyo mombunuh boko nabi!