Matius 23:27 - Porjanjian Boharu Torjomahan Baso Dilakng Soari-ari

²⁷ Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi'. Kaitn samo sama'an pasaran inyo di cat putih. Di luarnyo kotiat'annyo boi' apo di dalapmnyo bisi agatn boko tulakng urakng mati huatan somuonyo buru'.

Matius 23:27 ပူးပေါင်းရင်းမြစ်များ

Matius 23:28

Ubo nian jam kaitn. Aman urakng bukai moniant kaitn doi' luar, kaitn kotiat'an sama'an urakng inyo boi'. Apo sobondarnyo hati kaitn pompadah boi' huatan co honda' monuruti boko porintah Allah.

Lukas 11:44

“Allah paca'an mohukupm kaitn boko urakng Farisi. Kaitn ulih disamoan agatn pasaran inyo co momakai tando. Jadi boko urakng kinyo tohu ado pasaran di santai. Lalu agatn kinyo songajo, boko urakng bojalatn di pucu'nyo ongko monjadi kinyo borosih socaro rohani. Sama'an nian jam kaitn mompongaruhi boko urakng pakai' monjadi jahat jam.”

Kisah Boko Rasul 23:3

Jadi, Paulus bopandir ko Ananias nantai, “Kolai ni'in urakng inyo pompadah boi' mo samo sama'an dindikng jaha'i inyo dicat poputih! Nono, Allah paca'an monompilikng kolai jam! Kolai dudu' di santai momakai boko porintah huatan poraturan inyo ditulis Musa pakai' moadili aku. Apo kolai monyiuh oca' aku ditompilikng biar pan aku co bulah kosalahan. Jadi, kolai mo inyo molanggar boko poraturan nantai!”

Galatia 6:12

Ado boko urakng inyo honda' mompangkakan kohebatan diri siku' dalapm boko hal inyo kotiat'an. Sia' nantaiam inyo bousaha momoso kaitn pakai' bosunant oca' kaitn ulih disolamant'an, bukainyo bayo obai Kristus mati di kayu salib. Sia' molabuhan nantai oca' sia' kinyo didorako'i boko urakng yahudi.