Matius 23:26 - Porjanjian Boharu Torjomahan Baso Dilakng Soari-ari

²⁶ Uai urakng Farisi inyo buto! Borosihicam, di luar huatan di dalapm hati kaitn.

Matius 23:26 ပူးပေါင်းရင်းမြစ်များ

Yakobus 4:8

Jalitncam hubukan inyo boi' agatn Allah, lalu Sio paca'an boi' agatn kaitn. Oi boko urakng inyo bodosa! Jangan bulah dosa agi'. Oi boko urakng inyo bocabakng hati! Borosihicam hati kaitn!

2 Korintus 7:1

Boko somadikan inyo ku kasihi! Somuo janji Allah nantai pakai' kito. Obai nantai, marabo kito monjago bukakng-tubuh ongko roh kito oca' borosih doi' somuo hal inyo jahat. Agatn sama'an nantai, kito mongkitn hidup husus pakai' Allah kapikng kito gola' agatn Sio.

Ibrani 10:22

Obai nantai, mara kito datakng dampikng ko Allah agatn hati inyo boi' ongko bondar-bondar kuat pocayo. Obai, hati kito udah diborosihi doi' pikiran jahat, ongko bukakng-tubuh kito udah diborosihi agatn ara'i inyo murni.

Matius 12:33

Sotiap urakng dikonal doi' porbuatannyo samo sama'an sotiap tontanaman dikonal doi' buahnyo. Aman sokayu' tontanaman boi', ongko buahnyo boi' jam. Aman sokayu' tontanaman kinyo boi', ongko buahnyo kinyo boi' jam.

Lukas 6:45

Sama'an nian jam urakng boi' pasti mongoluaran hal inyo boi' obai hatinyo boi'. Sama'an nian jam urakng jahat pasti mongoluaran hal inyo jahat obai hatinyo jahat. Obai la'apo inyo dipandirannyo koluar doi' isi hatinyo.”

Matius 14:8

Bobia' nantai dipongaruhi ulih indainyo, Herodias. Jadi bobia' nantai bopandir, “Aku minto oca' kopala' Yohanes Pombaptis diponggal, dilota'an ko pucu' pinggatn ongko dibaba' kosi'itn!”

Markus 7:4

Aman pulakng doi' pasar, sia' gola' mandi' agatn caro husus sobolupm sia' makatn. Sia' kotakan monaati banya' poraturan inyo bukai jam doi' angki-bayatn sia'; sama'an poraturan mombasu'i cangkir, mangku', pirikng inyo bukai dipulah doi' tombago.

Lukas 11:39

Yesus pan bopandir ko urakng Farisi nantai, “Kaitn boko urakng Farisi biasonyo momborosihi pirikng-mangku' tobi' luarnyo ja'am obai kaitn bopikir nantai paca'an monyonangan hati Allah. Apo di dalapm hati kaitn siku' ija' bisi agatn kotama'an huatan kojahatan.